*****{ #وتأخر_الأمل }*****

.

.

من شباك الأمل بتدلل عشان بصة

بمنديل ترتره دلدل على الأوصة

بتقول أنا قايمة من سنين فاتت

ولسة من ساعات واصلة

.

أنا فلتة أنا إعجاز ومش حاصلة

كتبونى ف أخر القصة

لكن فى نقط ناقصة

على حروف متواصلة

أنا أغنية متعادة فى 100 وصلة

و100 تابلوه عشان رقصة

.

ولما قلبى بيغنى

تلمح رعشة الننى 

ف جفن ع الدموع قافل

تفلت دمعة م الحبسة

تقول إنت 100 سافل

ليه اتأخرت فى مواصلة

يا ريتك جيتنى من بدرى

ويا ريتنى كنت عرافة

أو كُنت بالغيب أدرى

ولا كُنت امشى ورا خرافة

ويكون الحزن من قَدري

.

.

بقلم/

مدحت يوسف