(فى الحلال)
ومين غيرك سكن قلبى وكان لى نصيب ومتقدر
شاغلنى فى كل اوقاتى وحتى فى نومى مستكتر
يفارقنى ولو لحظه معايا فى وسط احلامى
وحتى لمابصحى وافوق فى تفاصيله انا بفكر
ومين غيرك دوا للروح وبلسم شافى اى جروح
تواسى النفس لما تميل فى وقت الحيرة تبقى دليل
بروح الاخت تغمرنى. وبسمه ام ترسملى
ربيع خالى من الاحزان ما داق القلب قبله مثيل
ومين غيرك جمالها يغطى حور الإنس ويّا الجان
بتروى الروح وتشفى جروح تداوينى وأنا تعبان
عيونك نهر من الجنه بنظره تمحى أى الام
وطيبتك أرضها خصبه بتطرح زهر كله حنان
زهور بخجلها تسحرنى تسهرنى أناجى الليل
أنادى على النجوم وأسرح فى حلم جماله يشفى عليل
وأحس إن القمر شايف عيونى من بعيد بتقول
متيأسش يا قلبى أكيد مسير الصبر أخرته خير
يا أجمل دعوة بطلبها فى كل صلاة وركعه فجر
وبوعد ربنا هاصونها فى كل زمان ليوم الحشر
دا ضحكه بشوفها فى عنيكى تكفينى أعيش مرتاح
ونور وبراءه حوليكى كفيله تداوى أى جراح
ومين غيرك فى عز الحزن يسندنى
ولما القلب روحه تروح يواسيها ويسعدنى
يا جنه لما عينى تشوفها تتبسم
يرفرف قلبى ويّا الروح ويتنسم
بعطر نسيمك الفواح شذى ويرسم
حياه مليانه بالأحلام وبالفرحه
يا أجمل جنه هستناها بالطرحه
دا يوم لقيانا مستنيه بقالى سنين
وجوه القلب شوق وعذاب سهر وحنين
ولما النفس جت تيأس من البعد اللى زاد بينا
لقيتها جايه بطبطب وتهمسلى فى أحلامنا
متيأسش ومتخافش
دا أنا نصيبك المكتوب من لحظه ما كنت جنين
متقلقش على الحب اللى كان بذره من الإيمان
دا أول كلمه ننطقها تعالى نحفظ القرآن
ونور من القلب يحاوطنا بألف ورده من بستان
نعيش جواه ونتهنا وننسى قسوه الحرمان
ولما ربنا هيأذن ويكتب فرحه تجمعنا
ساعتها لا حزن هيصيبنا ولا الدنيا دى هتسعنا
ونروى صبرنا قصه وشعر وغنوة فى حكايه
تخلد حبنا ذكرى وتمحى الدمع ضحكايه
بقلمى #بسنت خلاف
