مش قادِر (باللهجة اللبنانية)

راسي تِعِب من التفكير

مش قادِر أعمل تغيير

بشوف الغَلَط حواليّي

غصباً عنّا ال عمبيصير

...

تعي تا نقعد سوى

شويّه أنا وايّاكي

إنتي تحكيني بالحبّ

وأنا إسرَح بعينيكي

...

تعي ننسى اليوم و بكرا

و نحبّ العمر بهاللحظة

أنا وايّاكي مجتمعين

لازم تكمل معنا الفرحة

...

وجودك معي بيكفّيني

إنتي حوريّة عالأرض

فيكي ريحة من الجنّة

بوجودِك شو بدّي بعد

...

لعيونِك لح أقطف ورد

وابرُم فيكي بمشاوير

انا وايّايكي خلقنا لبعض

وكلّ الباقي تفاصيل

...

لح إبقى أنا وايّاكي

إستمتع بحلاكي

عيش العمر ضمّ و غَمر

مش لح أعشَق سواكي

...

خلينا برّا عالهامش

ما بدّي أعمل عنتر

ولا بدّي بعّد عنّك

ولا لحظة بغيابك أخسَر

...

كلّ البطولة كذبة

إذا ما كانت كرمالِك

إنتي عندي أغلى الناس

وبفكّر فيكي لحالك

...

عدنان خليفة 2017