قصيدة من بين عيون...شعر/على محمد شحاته
من بين عيون حلوه كتيره
حبيت عيونك يا أميره
شفت ف عيونك احلى كلام
ونظرتك ديه خطيره
انا كنت شايفك ف الاحلام
وحياتى لهواكى اسيره
باتمنى تسعدنا الأيام
وبلاش تضيعنا الغيره
**************
لغة العيون عند الاحباب
مفهومه م النظره الاولى
ان كان هواهم كله عذاب
تلقى العيون بيه مشغوله
ولو الامل ويا الافراح
يملا حياتهم صفا وسماح
تلقى العيون فى الهنا ترتاح
وتملى بالشوق موصوله
