الفتنه الخلاقه
تعالوا نهدم كام بلد
بأدين جهله منهم
بشعار تشوفوا يتعبد
والجهل سمه فى عصرهم
وكام دويله هتتولد
ونقسم كُل أرضهم
وهيطلبوا منا المدد
وهنمص دمهم
ونخلى حياتهم كبد
وناخد أل يفكر عندهم
أو يموت لما يتولد
نسيوا حضاره جدهم
والكراسى هيه همهم
وشعوب تبوس إيد الولد
فاكرينه يبقى ربهم
تعالوا نهدم كام بلد
وننشر الفتنه عندهم
ويقتلوا همه فى بعضهم
وهنكون ليهم سند
نشجُب وندين قتلهم
ونمد الكُل بالمدد
والخونه مليه أرضهم
بيبيعوا حتى نفسهم
والكراسى هى حلمهم
وأحنا أل حددنا ملكهم
وثروه أعطاها ليهم ربهم
وخدنها همه لنفسهم
وعطيه بس لشعبهم
هنخدها ونحمى عرشهم
وشركتنا تمص نفطهم
ونبنى قواعدنا عندهم
تعالوا نهمد كام بلد
بفتنه ننشرها بوسطهم
بقلم كابتن |سعيد عبد العزيز الحاجه
