ياليت (باللهجة اللبنانية)
يا ليت بيتحقق حلمي بالَلي عمبحلم فيها
وإمسك إيدها عادرب الحبّ و تغنّيلي غنانيها.
ميّة مرّة بستها و فقت إتمنى لولاقيها
تركت بقلبي بصمة ما بقدر إنّي خبّيها.
...
شعراتها يا خيوط الشمس يا دفى الحبّ الصادق
وتمّها بلون الحمرة الفاتح باب مغارة لآلئ.
بعيونها نظرة تحدّي يتقلّي بدّي و ما بدّي
ان كنّك شاطر بالتفسير بتجي ركض لعندي.
....
بسمتها شغلت فكري ما بقدر حتّى أوصفها
كلّ مرّة بفكّر إنساها و بطّل إرجع إحكيها.
و عيش الواقع و إنساها و إنسى إنّي حبّيتها
وهلّق شفت عيونها الزرق رجعو علّقوني فيها...!
...
عدنان خليفة2017.
