(((أنا عامل اليوميه )))
تشوفنى قاعد
وأنت معدى عليا بالعربيه
على دوار فى قلب الصنيه
فى أى مكان
وفى أى دوله عربيه
أنا الغلبان أنا الشقيان
أنا اللى حيالى
أتهد والشقا أثر فيا
والتعب حل عليا
والعمر بيجرى بيا
والدنيا ضاقت فى عينى
أفرجها يارب عليا
من الفجريه فى البدريه
أطلع لأكل عيشى
والسعى على رزقى ورزق عيالى
شايل فى أيدى عدتى
مستنى زبوان يهل عليا
أنا وغيرى فى الصحوبيه
أحنا الأرزوقيه
ولما ينادى عليناحد
نجرى عليه بهمه وجد
وكلنا جلد وعزم
علشان أطلع بيوميه
أروح بيها للعيال والوليه
وممكن أقعد فى عز الضهر
والشمس حاميه عليا
تشرق وتغرب عليا
وأفضل مستنى ولاأعملش يوميه
وأروح وأستنى يطلع عليا
النهار من تانى
أنا مش طماع ولاتلزمنى فيلا ولاعربيه
ولا حتى ليا كل شهر ماهيه
أنا بسعى وبتمنى ستر ربنا عليا
أنا عامل اليوميه
فى حد منكم حاسس بيا
أو عنده حل للمشكله ديا
بقلم/محمودصلاح السيد1/5/2016
