((( عم غزال وعم هلال )))
قول معانا ياعم غزال
أحنا عايشين فى الترلالى
كل الناس ماشيه شمال
ويمينا عطلان مش شغال
صاحى ليه كده من بدارى
رايح شغلى قبل الزحمه
قبل السكه ماتتملا لحمه
النهارده أجازه ليه سرحان
مش هتصلى معانا الجمعه
خطيب المسجد أبن حلال
لسانه حلو وعال العال
شوفتك قاعد كده تعبان
خفت تغفل ولاتنام
عازم حد من العيال
عامل فته ولحمة راس
لسا مشاكل وأستعباط
كله مركز على الميراث
ضربهاجوزها بشكوش فى الراس
قليل الأصل صايع بتاع أنفاس
مش متربى من الأساس
قالوا هتطلع على المعاش
بس قرارك لسا ماجاش
وهنعمل لك حته حفله
لسا بدرى عليا ياناس
أرتاح وأقعد بقى على القهوه
أشرب شاى وأقرا الأخبار
وروح زور عم هلال
من كام يوم قالوا تعبان
عم هلال فى الأنعاش
حتى الهوا مابقاش ببلاش
كل شئ أتغش خلاص
ركبت تاكس وروحت هناك
السواق طلع هلاس
قال بندرتك عاليه ياحج
ليه يابنى جتك الهم
كانت روكبتك غم فى غم
ركبت معانا عشر أنفار
أنا لوبمشى هسبق التاكس
أصل زمان كنت سريع
ما أنا أسمى عم غزال
ياحج زهقت من الكلام
راح ضربنى بقرن غزال
وشالونى هيلا بيلا ولاد الحلال
ولقيت نفسى فى المستشفى
نايم جنب أخويا هلال
كان طلع من الأنعاش
ورجعت ضحكته تملا الكون
سألنى وقال بتعمل أيه هنا ياغزال
قولت جايت أزورك علشان تعبان
مش أنت كويس دلوقت وتمام
قوم بينا نمشى يالا ياهلال
نشم هوا ونفتكر أيام زمان
وغنى معايا وقول ياسلام
قول للزمان أرجع يازمان
بقلمى/محمودصلاح السيد10/4/2017
