((ب يقولوا عليه مكتوب))
صبرت قلبي على بعادك
وأتمنيت في يوم ترجع
لاقتني في بحور المنى
بطلب مستحيل ودادك
ومعرفش أيه اللي يمنع
فكرت في بكره لكن عيوني
قرت غدرك وما بطلت تدمع
أقول يا خسارة ولا يا حسرة
على اللي فات من عمري
ومش هيرجع
يا خسارة على اللي اشتريت
هواه وهجر من غير ما يسمع
ولا يا حسرة علي أحلام هربت
وكان نفسي أنها ترجع
يا دي الأيام اللي تتوه قلوب
وتفرق أحباب ومين لأساها يهجع
والعين لما تذرف دمع حرمنها
عمر الدمع للعين تاني ما ب يرجع
يحيى نفادي
