يا متوهانى بين عيونك
فرحان بقربك والشوق بيضحك
والسما صافية فى وجودك
والأمانى مضللة فوق شمس حضنك
والشباب عادت ملامحه بين غصونك
سرحان بغنى وده غصب عنى
إزاى تغيبى يا حتة منى دأنتى كلى
كل الأمانى فى ضحتك يا حلوة طُلى
خلينى أفرح بالهوى وأقدر أصونك
أنا يستحيل أبدأ أخونك
هأفضل معاكِ يا قمر راضى بمصيرى
إزاى أسيبك للبشر يرعاك غيرى
وأنا حضنى مليان بالدفا مرتاح ضميرى
كل ما أشوفك تضحكى يطربنى صوتك
لو كان عليا أعيش حياتى لضحتك
أو حتى كلمة تكون جميلة فى دنيتك
أنا كل أملى تفضل يا عمرى بسمتك
واحياتى عندك تضحكى ولا أشوف دموعك
يرضينى إنك دنيتى ومعاكى شوقى
البسمة منك فرحتى وسبب شروقى
حبك يا ست الناس بيسرى بين عروقى
وأنا كل أملى أسعدك وأدارى خوفك
يا متوهانى بين عيونك
الشاعر / ناصر عبد المقصود
