الهم زاد عالقلب متحملش
اصبح عليل دقاته متكملش
يارب ليه خلقتنى شاعر
كتله مشاعر تدوب من الالم وتكش
وانا قلبى شال الهم من بدرى
من وقت ممسكت القلم وقفشت
وكتيت عن صدق ومبدأ حق
وانا الحياه حواليا كدب وغش
حاولت احارب واصنع بالقلم فارس
بيجوب دروب الظلم ولا بيخفش
لكن رجعت فى درب اوجاعى
نحيف عليل من الالم عود قش
يارب حررنى من الكلمات
خلينى انسان عادى عايش بس
ياكل ويشرب ينام ويعلى تشخيره
ويقول عن الاخلاق غباوه وهتش
يارب قلبى خلاص بقى 600 حته
نفسي المه بقه واتلم ماتكلمش
#هناء_حواس
