(((عفوا ياساده)))

أما صحيح ناس كياده

وبقى التعريض فى دمهم عاده

الطبل والزمر عندهم عباده

والمصالح أهم من كل حاجه

بكيفهم وبمزاجهم ناس قلابه

يطلع بفلان السما السابعه 

ويشرب على علان قهوه ساده

فين العدل ياعالم ياكذابه

الحكايه جمايل وسرقه ونهب

 دى  بأت خرابه

التحيز واضح والرتابه

ضماير خربانه ونفوس سوده هبابه

الموضوع كله شيلنى وأشيلك ومن المدح أديك زياده

عبرنى أعبرك وأخلى أسمك ملأ السمع ماركه وعلامه

ولومش عجبك أقطعك وأرميك حتت تنهشك الديابه

يابنى  أصحى من الوهم وعيش الواقع وكفايه كآئبه 

دا شغل تلات ورقات وناس مالهاش عازه

العمى يصبهم حالات والحول عندهم فوق العاده

عفوا ياساده لكنها الحقيقه بعيدا عن المزايده والصوره الخداعه 

بقلمى /محمودصلاح السيد27/12/2016