عجــــــــــــــــــــــز القلم
عن وصف أحــلام الصبا
كان نفسه يضحك للحياة
بس الحياة دى مكـــركبة
فاكر يا خـال أيام زمــــان
نفس المشـاعر والمكــان
نفس الحوارى والحيطان
بس الوجـــــــــوه متعذبة
زرعت فى أرض الحب شوق
طرحت عيون الأرض شوك
يا ريت يا خال الناس تفوق
دى سنينا ســــــــودة مهببة
ضـــــــــــــــــــــــــاع الأمل
والطـــــرح من جنس العمل
الشمس ناوية على الكســـل
والضلمة ســـــودة ومرعبة
فاكر يا خال زهـــر الغيطان
والخير بيطــرح ع الجيران
واللى على القلب يا خـــــال
دايما بيطلع ع اللســـــــــان
كنا يا خال فى الأرض عيلة قريبة
عجز القلــــــــــــــــــــــــــــم
عن وصف أحــــــلام الصبا
كان فيه سعادة فى البشــر
بص يا خال الكل واقف منكسر
داير على بسمة أمل ولافيش أثر
والضحكة طالعة ع الوجوه متغصبة
حتى الولايا بالهموم متعصبة
والهم دايس فى البشــــــــــر
مبقاش يا خال تنفع أمور الطبطبة
شايف هناك أطفال بتصرخ م الوجع
حتى الرجال مبقاش يا خال فيهم جدع
واللقمة طالعة من الهموم ولا تتصدع
والدمع فوق خد الجميع ولا فيش رضا
الخير يا خال أيام زمان فى المدرسة
البنت طالعة فى النهار زى المسا
ايه اللى خلى عقول ولادنا متربسة
كل المبادئ بين ولادنا متغربة
عجز القلــــــــــــــــــــــــــــم
عن وصف أحــــــلام الصبا
الشاعر / ناصر عبد المقصود
