المفتريه

الست قالت لجوزها يا شيخ أختشى 

وأدينى مصروف البيت بدل وكستى 

وأنزل أعد ما اصحابك علشان هنظف شقتى 

وفك السراير والستاير قبل ما تنزل وتسيبنى فى لبختى

وعدى على حماتى اللى مش طيقانى من يوم دخلتى 

أديها فلوس الجمعيه اللى شكلى هقبضها فى يوم خرجتى

قال لها ياوليه اسكتى شويه واهمدى

 دا أنا لسه جاى من شغلى وما غيرتش هدمتى

ومن ساعة ما دخلت عماله تزنى وتطلبى

وتقولى اعمل وهات وسوى وقفعتى مرارتى وفشتى 

قالت له أنت شكلك زهقت منى 

ورقعت بالصوت وقالت يا لهوتى 

وأعدت تندب وتصوت وتقوله ياحسرتى

قالها بطلى ندب وصويت ياوليه هتفرقعى

قالت له خلاص ما تزعلشى يراجلى يالى منور عليه عشتى

دا أنت جو زى وحبيبى وأبو عيالى الارندلى 

ومن يومها وهى كل خميس تزوره فى مقابر الجعفري  

وتقرأ له الفاتحة وتقوله معلشى ضربى ليك كان مفترى

علشان كده جبتك هنا مع اللى كانوا بيضيقونى فى الجعفرى

😅😅شريف الجندى😅😅