جوزوها ولسه ور ور
طفله ماتعرفش شئ
شالت فوق الكتف عيل
مين ظلمها ومين برئ
طفله لسه ناقصها ياما
ليه تشيل المسؤليه
واللي باعها قبض تمنها
كتب نهاية المسرحيه
واللي راحت له فلاتي
كان واخدها جوازه متعه
قال انا امتع حياتي
وبالفلوس هاتجيلي خاضعه
داق عسلها وراح راميها
قالها مش راح ادادي فيها
بالفلوس انا اشتريتها
والطلاق هايتم بيها
ربنا منك يخلص
ياللي بتبيع في البنات
بكره كل ده هيخلص
في الحياه او في الممات
محمود رجب
