-----------------تبيع ضميرك------------------
تبيع ضميرك يا عبد العال
و تقول بس ح تدفع كام
دا شيئ من زمان سترت البنت حلال
تبيع ضميرك يا عبد العال
وتقول مش عاوز أسمع كلمه محال
وجهز العروسه وتزفها مع السلامه فداكى كل المال
تبيع ضميرك يا عبد العال
دى لسه بتتعلم تشيلها هموم الجبال
وتبقى أم وتبقى أنت جد العيال
تبيع ضميرك يا عبد العال
طيب حسبت نفسك ولا دا مستحيل
بص فى صورتك لحظه وأنسى المال
تبيع ضميرك يا عبد العال
قلت البنت كبرت وهى ما لحقت المجال
فى كل مكان بشوفك يا راجل
تبيع ضميرك يا عبد العال
أرسى على بر الأمان بسلام
وكفايه من القسوه والملام
تبيع ضميرك يا عبد العال
الشاعر / على فياض البلصفورى
قطرات الندى
