ارمى بياضك ياشابة
دول شوية.م.
مش مقامك.
كتريهم حبة حبة..
وحياة عيالك
ولاجل جوزك
اللى هوه
ابن خالك
وآدى الدكر
وشوشيه
.وكلمة محبة
سمعيه
كنت حلوة
أيه جرالك. ؟
العيشة دى
مش عايشهالك.
وسيدى أبو الليف
لسايبهالك
.مش ده كلامك ؟
اغسل معايا
هدوم عيالك
والحتة جوة
ومواعينها شايلهالك
مش ده نظامك
* * *
حطى بياضك
مرة تانية
لو تحبى نزيد كلام
اسم جوزك.
واسم أمه
عشان نشوف له
شىء يهمه
اسمه بكرى.
وأمه رحمة
بكرى جوزك
مش بيعوزك
سادة نفسه
لاوية بوزك
صح والله انا
غلطانة ؟
وحشة ف هدومك
وف ملافظك
إزاى يعوزك ؟!
صح والله أنا غلطانه ؟!
بكرى دايما فى
البكور
رايح لشغله
من غير فطور
وفى الصيام
يروح ينام
من غير سحور
صح والله انا غلطانة؟
وقولتيلى
أمه رحمة ؟
الود توتو
ألغت شوية
لما يناديها يقول
يالحمة
لحمة مين
يامغفلين
دى كان زمان
ابنشتريها
ولما غليت
بدلوها لحمة كلاب
لحمة حمير
صح كلامى
والله انا غلطانة ؟
أفوتك بعافية ياشابة
.......................................................
خيرى السيد النجار........معلم ثانوى بالعاش
