لو حيينا فينا الضمير
هتطرح يابلدى ارضك عبير
والشوك اللى بنمشى عليه
هيبقى تحت اقدمنا حرير
******
كلنا بنضحك على بعضينا
لكن الشاطر بقى مين فينا
ياخوفى تغرق بينا السفينا
والكل عاملى فيها مدير
*****
لازم نسند وطنا الغالى
بالعامل مش بالتعالى
صعبان عليا حالك وحالى
ليه تعيش للفقر اسير
*****
تخاف عليا عليك هخاف
وبيدى وايدك نصنع مقداف
تمشى المركب بين الضفاف
تهتف باسم بلدى الكبير
*****
ابدء بنفسك ياحبيبى اوام
حرام يضيع من عمرها عام
دى ام الدنيا من غير كلام
ولا كلامى محتاج تفسير
*****
لو حيينا فينا الضمير
هتطرح يابلدى ارضك عبير
*****
الضمير / كلمات
عماد عطا عطية
