عيــــون
======
عيونك جنة وربيع
تاخدنى النظرة بضيع
بشوف فيها احلى كلام
وساعات لغرامى تشجيع
تدارى تتوارى ورا جفون
لحظات اكون فيها مجنون
تغرب شمس وتشرق فيهم
تــنـطـق عــن قـلب حــنون
بالليل سهران انا مشغول
مستنى تجينى بحلول
يا تكونى شريكة احلامى
لا تكون عن حالى مسؤل
اسمع من روحى اهات
اسرح وياكى وساعات
يمر الوقت من غير ما ادرى
اسمع صوتك همس سكات
من تانى هرجع وازيد
بستنى فى نفس المواعيد
تجينى او بلاقى طيفك
يؤنس وحدة قلب شريد
لاقى حل لدة موضوع
متسبنيش افضل موجوع
من غيرك حياتى غريبة
قربى لى فى ضى شموع
بقلم الشاعر / حاتم صلاح انور
