بتأمل
=========
بتامل وبتخيل
كانى فى رحلة
شوق ومحبه لمحبه
وبرسم لوحه
ود وموده
فى جمال عيونها الخضرا
وهيا مرسومه على قلبى
وكانها عصفورة كناريا
متعلقه على شراع سفينه
بعيده فى وسط البحر وبتغنى
مع النورس والبحارالمحتار
وهو بيصطاد سمكه الحفار
وبتسابق النسمه على شراعها
وخايفه تطير وتتوه
فى زحمة الامواج
وما ترجع فى يوم للشط
وشايفانى وعارفانى ومشتاقه
ليا زى مانا مشتاق وانا حيران
ومش حاسس فى
غيابها براحه نومه
ولا طعم للقمه
ولا حاسس بامان
وانا غلبان زى
ما هيا غلبانه
ولكنها عنيده
وبتقاوح ضد التيار
وغاويه تعذبنى
ليل ونهار
وقلبى تعب
واحتار وانهار
وهيا مش قابله منى
اى عتاب ولا اعذار
وانا خاوى الا
من حبها الجبار
واسرنى جمالها الوردى
ويا عيون مليانه بلاسرار
وشدانى لفكرها المحتار
بلا رحمه ولا شفقه
ولا فرصه واحده لاختيار
====================
بقلم///محمد العليمى///
