اشكرك
اشكر نبض قلبك
اللى بيا فكرك
اشكر طيف خيالك
خلا عينى تنظرك
اشكر يوم لمحت
جوا قلبى رقة منظرك
حقيقى بشكرك
اشكر يوم عطفتى
على قلبى لما خيرك
واخترتى يوم وصالى
مع ان قلبى حيرك
اشكر لهفة عيونك
حتى لما بهجرك
ياما كنت بمنيى قلبى
وروحى بصبر هواك
واخترت اعيش الوجد
والوجد شهد فيوم لقاك
اتارى صبر الهوى مر
ومرار حبك يوم جفاك
قلت اعيش حب العذارى
شفت روحى فى هواك ملاك
فرحت بقسوة التنهيدة
ولوعة البعد فى قلبى مش بعيدة
غنيتك بقلبى موال
كتبتك بدمعى الف قصة حب جديدة
ولما تاه فى الهوى فكرى
وحيرنى فى هواك امرى
شجانى ابن عروس بابياته
يا شمس يا منورة هلى
حبيبى عمرك يا دنيا ما تخليبى
هنا لقيت روحى تايهة شريدة
بتطلع ورا الغمام
مع انفاس الصهد ونوح الحمام
لقيت قلبى بينظرك
ودمعة عيونك مطر
جاى يواسى قلب انفطر
قلت لازم اشكرك
حقيقى بشكرك
خالد العطار