هنا...
اللى امه....... جدتته
فينا اللى امه صحبته
وادى اللى خالته ربته
هنا اللى فارق ضحكته
من يوم ما امه ...فارقته
هنا ...
اللى نسى يدعى..... ليها
واللى كل يوم بيبوس ايديها
واللى بيدعى ربه يهون عليها
واللى غضبانة عليه من قسوته
هنا...
اللى مشتاق لكلمه منها تفوقه
اللى بيتمنى ترجع بكريت تحرقه
اللى لسه صوت خطاويها الخفاف
بتقلقه...
هنا...
اللى حلمه يحلم بيها ليله
واللى شايفها شيله تقيله
واللى بيتمنى يهديها عمره
بس ما باليد............. حيله
هنا...
ام صابره فى كل حال
اخت ساتره ع البنات
حضن دافى... للرجال
ام تقدر تبقى .....اب
والعكس درب م الخيال
#مصطفى_مجدى
