وطنى ياتايه فى خصام و خلاف ------ والدنيا حبايب رغم الاختلاف
بنى ادمين مختلفين الاسلاف ------ متعاونين رغم اختلاف الاعراف
اسود ابيض من كل الاطياف ------- متصاحبين رغم بعد الاوصاف
----------------------------------------------------------------------
البنى ادمين ماشين لقدام ---------------- واحنا باصين تحت الاقدام
هم عايشين فى انسجام ------------------- واحنا تايهين عن السلام
هم عاشقين العلم بغرام ----------- واحنا ضايعين فى حلال وحرام
---------------------------------------------------------------------
هم متحدين فى الانسانية --------------- واحنا مفتتين فى الطائفية
اسلام و يهود و ميسحية ---------------- و سنة و شيعة و وهابية
اصلاح كاثوليك ارثوذكسية --------- لو فهمنا للتنوع حكمة الاهية
وعلمنا محدود بعقول بشرية --- ورب الخير رب الاديان السماوية
وحب الغير فرض ووصية -------- هنعيش بنفوس هادية مرضية
----------------------------------------------------------------------
ياللى انت مجرد انسان --------------- ليه مشغول بعمل الرحمن
وصل نفسك لباب الامان ----------- وسيب غيرك لحساب الديان
بقلمى يوسف ونيس مجلع
