حد يجاوبنى )
أخلاقنا ليه صابها الجفاف ؟
حتى القلوب صبحت عجاف
فى سوريا وفلسطين وبورما
اطفالنا ماتوا بالآلاف
وتجمدوا ف برد الشتا
وإحنا اللحاف فوق اللحاف
كتر الذنوب خلا القلوب
من أى حاجه بقت تخاف
كل إللى نقدر نعمله
حبة هتاف
أطفالنا على إيد اليهود
بيموتوا واحنا مفيش ردود
شوية النخوة إللى فينا إتبدلت صبحت برود
وهما شايلين الحجارة بالإيمان
يرموها تصبح كالبارود
الله اكبر ع الصمود
رفعوا الشهيد فوق الكتاف
إبكى يا اقصى وزود النوح والأنين
إبكى على حالك وحالنا
وع اللى صاب المسلمين
إبكى على كل العرب
إللى إيديهم مكتوفين
انا عن نفسى مستنى
يعود تانى صلاح الدين
تقول عاقل تقول إنه كلام مجانين
يحق لعقلى يتجنن ما ياما شاف
دا لو نضرب ف أعدائنا
يقولوا دى حقوق إنسان
ولو نجمع ف أشلائنا
يزيد الضرب ف المليان
وما تلاقى حقوق إنسان
ضمير العالم الصاحى
صبح نعسان
ومين يستني م الظالم
ف يوم إنصاف
خلاص الأقصى قدامنا بدأ ينهار
وإمتى الدم يتحرك وإمتى نغار
ياريتنا نكون بصوت واحد ف كل قرار
ليل العروبه مش باين لأخره نهار
إيه إللى صابهم؟
وإللى صابك؟
وإللى صابنى؟
حد يجاوبنى
بقلمى/محمود عبد العظيم
