انا المصرى
علمت العلوم والعلم
انا المصرى
شايل على كفى الحلم
اصبحت عاله
كسرنى الجوع والهم
------------------------------
وشى الاسمرانى
الشمس باديها محنياه
وكف ايدى
نحت خط الحياه
النهارده مقهور
بدور عل طوق نجاه
----------------------------
انا اللى التاريخ
اول ماكتب اسمى
والحضاره القديمه
مرسومه برسمى
خدتنى التوهه
بدور عل ملامحى
--------------------------
انا اللى زرعت
ومليت بيتك خير
ومن كتر قمحك
رميته على الجبال للطير
النهارده من جوعى
بشحت من بلاد الغير
---------------------------
بنيتك مداين
صرح يغازل صرح
وزرعتك جناين
اغصانها كسيها الطرح
ونايم فى عشه
واكلى عيش وملح
-------------------------------
شط الامل
شبابنا فى بحوره غريق
وعواجيز بلدنا
موتتين كنخل العتيق
وبكره تايه
عن البيت والطريق
----------------------------
الضحكه البريئه
ماتت عل الوشوش من الهم
والكلمه الرقيقه
اتحبست بين اللسان والفم
وارضنا الطيبه
فسد ترابها الدم
--------------------------
وفر دموعك
يا اللى هانت عليك بلدك
بكره جوعك
هيخليك تبيع ولدك
لما نصرت الظلم
اول مانهش لحمك
--------------------------
يا ام الولاد قومى
لمينا تانى على حجرك
ولادك الغلابه
مشتاقين اوى لحضنك
وولادك الديابه
قاعدين ينهشو فى عرضك
----------------------------------
-----------------------------------
الشاعر مصطفى عبد المجيد
