يا شمس طارحة ستلاف موال
يا ليل علي الف مدنة و الف هلال
ولاده طول عمرها و محيره الجهال
عمر العلا ما هايجي بالغربة والترحال
يلا بينا من هنا نبدأ بناية يا خال
احنا اللي فرقنا ماتش ولمنا الزلزال
عرفت كلمة مصر مش بالحروف تتقال
ده شعب حير العالم بكلمتين لرجال
قابل فقير و اسأله اجابته ماشي الحال
اسأل مريض عامل ايه هيرد عال العال
صدقني احنا اللي جبنا للغرب كله ذهول
حتي ان خلي جيبنا بنشحن المحمول
يبقي العشا جبنه يبقي فطارنا فول
و اهي ماشية والنعمة و حدانا احلي عقول
طارحة البلد حكمة مفيهاش مكان لجهول
و لا ترجع اليغمة ولا مالكم المغسول
ولا يتقبل زيتهم و كلامهم المعسول
ليلزموا بيوتهم ليمشوا ف المعدول
علي ضحكة المصري وقف التاريخ مذهول