لو نقابل ربنا حَ نقوله إيـــــــــــــــــــه ...؟!
***
من كلمات
**
الطبيب الشاعر المصرى/ د. محمد رزق
*
لو نقابل ربنا حَ نقوله إيه ...؟!
والحبيب المصطفى يشفع فى إيه ...؟!
فى الشرور اللى ف قلوبنا ..؟
واللا تفريطنا ف واجبنا ..؟
والطريق سِــبناه وسابنا
والشيطان توِّهنا فيه ...!
لو نقابل ربنا حَ نقوله إيـــــــــــــــــــه ...؟!
***
ياحبيبى يامحمد ياإمام المرسلين
خـُد بإيدى يامحمد للعلا دنيا ودين
سكتك سكة سلامة
والبعاد عنك ندامة
واللقا يوم القيامة
كلنا فيه مذنبين
م الشرور اللى ف قلوبنا
لما فرَّطنا ف واجبنا
والطريق سِـــبناه وسابنا
والشيطان توِّهنا فيه ..
لو نقابل ربنا حَ نقوله إيـــــــــــــــــــه ...؟!
***
يابشر عودوا لطريق النور وتوبوا
كل واحد مِننا يلحق نصيبه
م الهداية والمحبة
وازرعوا فى الأرض حبة
تفضلوا دايماً أحبة
كلنا نعمل واجبنا
للأمل نفتح قلوبنا
والطريق اللى يناسبنا
راح يهون لو نمشى فيه
يرضى عنا ربنا لما نلاقيـــــــــــــــــــــــــــــــــــــــــــــــــه
*
كل عام أنتم جميعاً بخير وسعادة ويمن وبركة بإذن الله
*
مع تحيات
الطبيب الشاعر المصرى/ د. محمد رزق
