وزولي الحنين ..

وكتين تروح الروح ..

تساسق بين جداول الحن سنين ...

انا مالي مابي السكون...

وكتين فرد عرض السماء النوَّر بهاك ...

كانت اشاراتك مدي

 يا شوق ربيع 

يا جوف وسيع 

..يا ملمح الوصف البديع  

أنساك انين

اسلاك حنين

زولي الشحيح 

عوايدو آهات من وجيع 

نوبات غناهو  بكا ووحيح 

نسمات صفاهو عبق المديح

يازول محال 

..عجلت بالسهد الفصيح 

قرَّبت آخرك بالمآل 

كسَّرت خاطرك في السؤال

قبال يكون صاحي وفصيح

يا زول وصال

يا ... زلال

يا ... تعال

قبل الانين

كان السلام 

وكانت صفات وصفك مسيح.

انتصار عبد الغني