انا ماني راجع
شان تزيد لي المواجع
ابق ضايع بين صدودك
وبين وعودك وابق في
دنياك ضايع
ماني راجع
اصله هجرك لي واجع
واصله بعدك مني حارق
لو تقول بوفيك تاني
وتبق سيد ريدي وحناني
وتبق دنيا الريده زاتا
واعيش معاك احلي الاماني
ما بصدق لي وعودك
وعدك الكذاب اذاني
وانسي انك كنت لي
وكنت تهديني الاماني
انت في دنياي محطه
فيها وعد العشره فاني
يلا يا مغرور وحاتك
انسي ودي وكل حناني
وانسي انك كنت دنيا
زيفا ياما كتير اذاني
وكانت الصدفه الغريبه
ولدت احساس هواني
ويلا فوت من ذاتي وارحل
وشيل معاك كل الاماني
وشيلا اوهامك معاك
وانس لو نتلاقي تاني
نجلاء سليمان (البوادي)
ساحة النقاش