زمان زمن العريس بالدين
كان المال عشره قروش وسحاره
وكان هم العروس الستره
ما هما تتفشخر على الجيران
وتعمل فيها حقاره
كان زمن الحنان بالدس
تشوفك ماشي فى الشارع
تعاين ليهاا تيضاره
كان لا بتعرف التوبجيل
ولا بتلبس هي نضاره
كان لبست خلاص للحفله
توب ستره تزين بيهو اصراره
على الزينه وجمال الروح
وعلى قدرت جمال باره
كان زمن العريس بالدين
تشيل الفاتحه تتوكل
ولا فندوق ولا جوطه
كان فى البيت فى كم اوضه
فى اوضه طرف
تعسل فيها لم تموت
وتخدمك انت لم تموت
ولا بتتشها ليك بيتزا
ولا بتقول دى ما عيشا
تعيشا معاك فى المره
ولا تابع هى ابليسا
ده كان زمن العريس بالدين
ما زمن العريس صاله
تجيك عروس كمان صاره
تجيب الطروطه نص الناس
وتعمل فيهاا عصاره
دى اكبر مشكله تاريخ
على الزمن اللبيعاره
يعنى شنوو تاكنى
ويعنى شنوو تاكلهاا
ويعنى شنوو رقصتو اسلو
ويعنى شنو الزمن بلهااا
حليل زمن العروس تمروق
من بيت امهاا بى توب
وشايل معاهو مخلايه
فيهاا كمان نفس التوب
هسي البنطلون عادى
وتلبسو اصلو عادى
محزق فيهاا وملزق
وطبطب فيهاا بعادى
شباب مابى العريس اصبح
عشان حتى العريس غالى
تجيب شبه بى كم مليون
تجيب مالك ميه مليون
تجيب الصاله بى دشليون
وبرضو عروسه ماسوره
عريس بالبركه اصبح ماف
خلاص اتحملو البوره
واوعا تجونا معتزرين
سلام سكت جمال صوره
عليها عيونا منكسرين
وفيها كمان طلع عوره
حليل زمن العريس بالدين
عروس ما ادوهاا مجبوره
راضيه بقوله الوالدين
وقالو اصل العريس كوره
كلمات
محمد الفاتح وداللورى
صالون 6
ساحة النقاش