ضل السحاب .....🎻  

عديني وارحل يا سحاب   

اكشف شعاع عين الشمس  

أيه فائدة الضل السراب   

لزول مقييد وما بمش ...  

ووزع رزازك في اليباب   

خضر يباس عمري اليبس ... 

طووف برحاب الكون حباب   

غطي العوينات ذي رمش   

ناديت عليك رهاب رهاب   

اغشى البويتات والتمس ...      

وارسم جمالك في الخضاب  

كل يوم اغنيلك  عرس .... 

ما انت لسة بدري شاب   

كم بيك حياتي بتنتعش ....    

تغسل هموم ليل اكتئاب   

والبس سعادة الضي لبس ... 

عارفني راجيك بالحساب  

هشيت علي طيفك يحس .... 

وقدمت ليك الشوق كتاب   

راجيك توقع من امس .... 

انا اصلي مخلوق من تراب  

ما كنت في يوم لبك بدس ... 

يوم شلت ريدك إنتساب  

بقى لي تخصص وكمان درس ...

عايش معاك وانا في اغتراب  

كل ما اقرررب احترس ....  

انا ديمة من زاااتك بهاب    

خايف برووقك لي تمس ....  

عديني وارحل يا سحاب   

اكشف شعاع عين الشمس ... 

ووزع رزازك في اليباب  

خضر جفاف عمري اليبس ... 

🌧🌧🌧   

ضل السحاب .....🎻   

منيراحمد سليمان