⛅ مطرة شووووق ⛅
مع دغش الصباح ياناس
صبت فينا مطرة شوق
حركت الحنين.... جواي
وطرت قلبي ست الزوق
بنية جمالة.... مامنظور
وصوتة من العسل مشروق
وجيهة براهو اضوي مدن
وطلته في الدياجي شروق
دي حنها يشبة ....الامات
وكت تعطف شوية.. تروق
نسيم ريدتها لما ...يجيك
ولي ود همبريبو... يسوق
هواك بصبح عليل ..يازول
ولي الافراح خطاك تسوق
تودع عالم........ الاحزان
وتبيع علنا جفاك في السوق
دي بت كم حيرت ....عشاق
وكم ضاع بي وراها عشوق
عاصم بابكر😊🌿
ساحة النقاش