💞عيدك يمة💞 من كلماتى / هيام عكود يمر العام وراهو العام عامك يمة ديمه سعيد وبيك ان شاء الله يا غالية نكون طوالى عيد فى عيد نمد أيدينا لى ايديك نستمتع نبوس الايد نهنى نبارك الفرحة وبيك يا غالية انتى تذيد ومعاك يا غالية فى كل عام بيك أن شاء الله نتلما ونحن معاكى نتسامر و إنتي الاحلى في اللمة وصى عليك كتاب الله ورسولنا الغالى بالرحمة وكل الشعراء اتغنو قالو كلام كتير ضمة قالو الواحة والراحة وصاغو عذوبة الكلمة انتى الغالية ست الكل وبيك جديدنا بنتما انتى دليلنا فى الدنيا وانتى مراجع الأمة وانتى بحور حنان جارية تسقى عطشنا تروينا وانتى وكت هجير الحر توبك هو البغطينا وانتى الحاضنة أولادنا يجوك حبوبة حجينا وانتى الرافعة ايديكى وبالدعوات تغمرينا حنانك يمة مالو مثيل و غيرك انتى ما لينا 💞هيام عكود 💞