ﺍﻟُﺠْﻤٌﺎﻝُ ﻣٌﺎ ﻛِﻞُ ﺣُﺎﺟْﺔِ
ﺣﻘـﻮ ﻟﻤـﺎ ﺍﻟﺰﻭﻝ ﻳﺮﻳﺪﻙ
ﻳﻌـﺮﻑ ﺍﻟﺮﻳﺪﺓ ﻭﺍﺳـﺎﺳﺎ
ﻭﻳﻌﺮﻑ ﺍﻧﻮ ﺍﻟﺮﻳﺪﺓ ﺣﺎﺟﺔ
ﺳﺎﻣﻴﺔ ﻣﺎ ﺍﺗﺤﺪﺩ ﻣﻘـﺎﺳﺎ
ﻭﺍﻟﺒﺮﻳﺪﻙ ﻭﺭﻱ ﺷﺮﻃــﻚ
ﻭﻋﻠﻲ ﻓﻲ ﻗﻤﻢ ﺍﻟﻘﺪﺍﺳﺔ
ﻭﺍﻟﻤﺸﺎﻋﺮ ﺍﻟﺼﺎﺩﻗﺔ ﻣﻨﻚ
ﻭﺍﺿﺤﺔ ﻣﺎ ﺑﺘﺤﺘﺎﺝ ﻛﻮﺍﺳﺔ
ﺍﻟﻌﻔـﺎﻑ ﻣﺎ ﺗﻮﺏ ﻭﻃﺮﺣﺔ
ﻭﺍﻻﺩﺏ ﺗﻮﺏ ﺍﻟـﺴﻤﺎﺣـﺔ
ﻭﺍﻟﺒــﺮﻳﺪﻙ ﻣـﺎ ﺑـﺨـﺬﻟﻚ
ﻭﻣﺎ ﺑﻔﻜﻚ ﻓﻲ ﺍﻟﺒـﺮﺍﺣـﺔ
ﻣﻤـﻜـﻦ ﻳﺒﻘـﺎﻟﻚ ﻋﻼﺟـﻚ
ﻭﻓﻴﻚ ﺑﻴﺘﺨﺼـﺺ ﺟﺮﺍﺣﺔ
ﻭﻛﺴﺮﺓ ﺍﻟﺮﻳﺪ ﻃﺎﻋﻤﺔ ﺟﺪﺍ "
ﻭﻳﻮﻡ ﺗﺮﻳﺪ ﺑﺘﻜﻮﻥ ﻣﻼﺣﺔ
ﺍﻟﺒــﺮﻳﺪﻙ ﻣــﺎ ﺿــﺮﻭﺭﻱ
ﻳﻤﻀﻲ ﻋﻘﺪ ﻭﻳﻘﻮﻝ ﺑﺮﻳﺪﻙ
ﻭﻣﺎ ﺿﺮﻭﺭﻱ ﺩﻭﺍﻡ ﻳﻮﺍﺻﻠﻚ
ﻭﻳﻔﻘﺪﻙ ﻭﻳﻌـﺮﻑ ﻭﺟﺪﻳﺪﻙ
ﻣﻦ ﻋﻴــﻮﻧﻮ ﺑﺘــﻘﺮﺃ ﺭﻳﺪﻭ
ﻭﻟــﻤﺎ ﺇﻳﺪﻭ ﺗﻼﻗــﻲ ﺍﻳﺪﻙ
ﻭﺣﺘﻲ ﻟﻮ ﺩﺳـﺎ ﺍﻟﻤـﺸﺎﻋﺮ
ﺭﻳﺪﻭ ﺑﺘﺤــﺴﻮ ﻓــﻮﺭﻳﺪﻙ
ﺍﻧﺖ ﻟﻤﺎ ﺗﺤﺐ ﻭﺗﻌـﺸــﻖ
ﻣﺎﻓﻲ ﺯﻭﻝ ﺑﺪﻳﻚ ﺩﺑــﺎﺟﺔ
ﺍﺣﻔﻆ ﺍﻟﺮﻳﺪ ﺟــﻮﻩ ﻗﻠـﺒﻚ
ﻭﺍﺣﻔﻈﺎ ﻭﻛﺮﺭﺏ ﺳﻴــﺎﺟﺎ
ﻟـﻤــﺎ ﺗﻌـﺸﻖ ﻟﻴﻚ ﺑﻨﻴـﺔ
ﻗﺪﺭﺍ ﻭﻛﻮﻥ ﻟﻴـﻬــﺎ ﺗﺎﺟـﺎ
ﺍﻭﻋﺎ ﺗﻨﺴـﺎﻕ ﻟﻲ ﺟـﻤﺎﻻ
ﻫﻮ ﺍﻟﺠﻤﺎﻝ ﻣﺎ ﻛﻞ ﺣﺎﺟﺔ
ساحة النقاش