مدن الخيال
ام يانس ابراهيم موسي
أنا تائهة في مدن الخيال
برسم ملامحك في سماي
أقعد براي واستوطنك
أسرح بعيد وأتخيلك
بين النجوم مرسومة اشكال روعتك
بتطوف علي ضو القمر
تختار شرفات الرؤي
وتلوح علي شمس الأمل
تقدر تنور بين مداك
وأنا أنا تائهة في مدن الخيال
أسكن مساماتك شجون
أقراك حروف وجع القصيد
أنده عليك وأشتهيك
أدمنت صوتك في جواي
تهمس نوافز الروح غنا
أقراس موسيقي ودندنات
مكتظه بغبار السنين
تتراقص أنغام الحنين
زقروده من عمق الفرح
وأنا أنا تائهة في مدن الخيال
تأخذني لحظات بين إيديك
وتبقي عيني في عينيك
واردد حروف العاشقين
يا أحلي لحظات العمر
وأنا حلمي يا داب إبتدأ
أتحسس اللهفة في عينيك
وفي المشاعر والأحاسيس والخواطر
يا زول أنا جد بحتاجك معطف
يدفي الريد من بدر الشوق
في شتاء قارص
دثرني برحيق الحرف الدافئ
من زمهرير شذي الكلمات
وأنا وأنت والليل والقمر
نمارس طقوس اللفهة والشوق العنيد
وأنا أنا تائهة في مدن الخيال
أزرع حقول الريد بيادر من عشق
سنابل تمتده لي آخر المطاف
حبات كرز من حب عفيف
يا للجمال عبق الزهور
معتق في كل مداخل الأمكنة
يختف بروق مطر الدعاش
يروي المشاعر بالمني
أحاسيس جميله مدوذنه
ورقيقة مثل السوسنا
وأنا أنا تائهة في مدن الخيال
حلمت بيك أنك معاي
لا ما حلم شفتك عديل
قاعدين علي شاطئ البحر
في ليله قمرية وسمر
نونس في الغرام
كل النجوم كانت حضور
والقمره جد مستمتعة
ما الليل الليل سليل العاشقين
في حضرتك إحساس جميل
تنداح مشاعرنا الزمان مكبوتة
تحكي لي وأحكي ليك
صدق العواطف والامان
تتغير ملامح الأمكنه
في كل تفاصيل الحقيقه
نحلم سوي رغم المدي
نبني من الريد وطن
وأنا أنا تائهة في مدن الخيال
زرعتة القام من محنة
قرنيت هواك صاب القلب
فجرت كل إحساس جواي
رصاصات مشحونه بالحب والوئام
دبابة جات وقفت معاي
وأتلمت عساكر الروح
شايلين كلاش
جواهو مويه من الحنان
مدفع كبير مليان عبير
رشونا بي صندل عديل
وقالوا السلام
ردينا مرحب يا سلام
واصلو الكلام كان بي وداد
زخيره مال وغنوة فال فرح موال
وزفونا بي كاكي المرور
ومشينا لي قاضي الغرام
كلبش إيديا مع إيديك
فكر وعاين وشاف تمام
طلع الغرار مسلح بالأمان
ودونا لي سجن الهوي
محكومين مؤابد بالهيام
والحفله في قلب الوطن
والدانة تعزف زي كمان
جبخانه حنينه والسلام
خندق مجرتق بالعديل والزين
وأنا تائهة في مدن الخيال
ساحة النقاش