قلبي والله خساره فيك
اناالماعارفه وساي إبتليت
بيك
بقول ليك جد خساره فيك
لانك مابتستهال والمقاس
كبير عليك
واصلو حظ التعيس مابشوف
لكن بوريك
انا جرع الحناضل والسم البواليك
بوريك اهات الندم ولي الحسره بسقيك
وقبل ماتدوسني بقطع وبجذ ساقيك
لانك مابتستحق وجواك اسود مواليك
وذي ما رفعتك وقيمتك كيدي ليك
بتلقي وحااجيب البمسح قلبك وينسيك
ماغشيت هواي وقلبي رهنتو بيك
بس انت جريمتك اكبر وياريت لوالقصاص بجازيك
كان حكمت واصدرت زمان حكمي فيك
يابايع لي الجميل وصبري البنيتو عليك
خساره زيك يكون وتلقي قلب يهديك
ريد ماقدرو ولابليق بي زاتك والسواد الحاويك
انت بتقول اني مشغوله بيك
ولو مالقيتك حاامرض والاهي يك
غلطان وحقو تصحا من طشاش عينيك
لاقبيل قلبي مقاسك لا ات زولا بنتغطي بيك
مجرد تجربه والنتيجه خساره قلبي فيك
وهم الريد مابعرف وخاص لما يجاريك
زولا طعم الريد عندو سجاره وشيك
فاكر نفسك بتشتري وانت جذمه بناديك;
جذمه وقديمه ياخي منو قاليك قلوب البنات مزاج بكيف غناويك
وعندي انا كان ياريت لو ماعرفت الفيك
كان بقول قسمه وبسكت بنسي اراضيك
الا سودها حالك واسي بقيت يخص عليك
حطام عظام مكسي بخسه بتليق بيك
كنت عمايانه وغلط مغشوشه فيك
فاكراك ملاك وطلعت شيطان برجليك
مابتستهال غير انو خساره قلبي فيك@أم أفنان@
ساحة النقاش