خدعوك

مين قال عيونك ساحرات!؟؟

خدعوك سمارك وجد ما صارحوك ..

ياريت زمن ثوراتو بركانك أليتهم عاشروك ..

لحظتها يمكن كانو عرفو يقيموك ..

صفحاتو ماضيك اللئيم منسوجه بي اسوأ صفات منحوته مكسورة سلوك ..

آآه يا جميل لو لحظه بس صدقوك، اكيد حايبهروك ..

عاين وشوف كيف الزمن تصريفو ليك ح يألمك ..

بي كل زلاتك زمان ، بي دورتو حايستهدفك ..

ماهو البيزرع مهما كان بذراتو خير أو شر اكيد يوم الثمار حتغرقك أو ترفعك ..!

بس انتظر ...

والصبر ألزمو ما تمل ..

فوق الجبين مسطور وثابت منتهاك ..

يا بيهو تفرح وتستهل يا اما يبقى الذل رفيق دربك وصاحب لي خطاك ..

ازرع وشوف كيف الحصاد..

هل ياترى حيكون مثل كل مشتهاك؟؟

ولا الزرعتو بس حلاك ، ومعاهو ضاع كل مبتغاك !؟