شعاع الفرحه
تمشى المشاعر ..
بين حريق اللهفه والشوق والتعب
ممدوده لى آخر خواطر تشتهيك
مابين قواميس التواصل والضهب
ياساكنه فى نبض اﻻمانى ..
وفارده ضلك فى سراب الوحشه
فى جيد العصب
تايهة وين .. !
قبال تفتشى عن دليل إنسانك
الجسد ملامحك بالدهب
ياسمحه فى لحظة شروق
شمس المحبين ..
البخبو الريده فى صورة شغب
تعالى فى الزمن الجميل
احساس يفتش عن شعاع الفرحة
فى الزمن الصعب
إتكلمى ..
خلى الحروف تشرح همومك
فى نواحى العتمة تسطع باللهب
كيف ينكتم فينى الكلام ..
لو قلت ليك بحلم معاك
ألقاكى فى ساعة طرب
سمحة وممشطة بى مشاعر اﻻلفة
فى لحظة سكونك والغضب
مرسومة فى جواى ملامح وأمنيات
زى شعاع الفرحة ..
فى خاطر المشاعر إنكتب .
عبدالله الناير
ساحة النقاش