كلام راقى
بحلم أكون إنسان .
بحلم بحد يحس بيا .
بحلم زيى ما بحس بالناس الناس تحس بيا
بحلم مايقرب منى أحد إلا لشخصى من غير لف حولايا
بحلم إنى أحلم ولا يكون كابوس يتعبنى ويبكى عنيا .
بحلم إنى أعيش ومش مهم مافيش ماطول عمرى عايش مهمش
بحلم ما أعيش متهان غلبان حيران بين الدواوين وموظف يرمينى على موظف وفى أخر اليوم أكون خارج المبنى ولم إنهى شيئ .
بحلم بصبح تانى غير كل صباح مر وأتانى وكان مائع بلا طعم مريح
بحلم بلون جديد لون أمزجه بيدى بفنى بسحر ما بقلبى التعيس
بحلم بحوريه مش لازم أنتظرها بالجنه .
بحلم وهو الحلم حرام ..
سمعنى مصطفى عبده صديقى قالى يازميلى كلنا بنحلم بس نصحى على واقع أليم
قلت لا .
سأحلم كل لحظه بلا نوم بلا فكر بلا شرود فالحلم نبض والنبض بى قوى حسيس
قال .
إحلم وإحلم لى معاك وإن إتحقق حلمك خذنى وياك .
وإن كان كابوس ما عطلك إنسانى حياتى كلها كوابيس .
وفى ليله راسى كانت تقيله نمت ماعرفش كيف .
وجدت فجأه جميله بحمره للخدين .
وعيناها غذاء يشبع اللب ويملئ العين .
سالتها من أنتى يا للى جمالك زين .
قالت إخص عليك ماتعرفنى قلت العتب على النظر حضرتك مين .
قالت يامدهول على عينك نسيت .أنا حلمك وأنت ضيى العين .
قلت هوا فيه إيه .
شكلى إتجننت وإلا حصل إيه .
قالت صباح وردى ونهارك بحضنى ومساءك بين العيون فصون الأمانه .
الجو إتحسن وشعرت أنى مش بحلم شويه وسمعت زيطه وزنبليطه .
أتارى أم حسين بعيد عن السامعين إغمن عليها والصويت كان عالى قمت من مكانى وكنت بحلم .
رد على واحد وقال سيبك من أحلامك وعيش .
قلت عايش وببتسم .بسمه كل صباح بس كان نفسى أحلم .ربيع
