كام رساله كتبتها
كام رساله كتبتها
اشكى فيها الوجد منك
وبأديك ما لمستها
حتى مستكتر عليا
تقراء جمله منها
كام رساله كتبتها
واشكى لك اللهفه ليك
ونفسى انظر فى عنيك
نفسى المس مره واحده
حتى لو اطراف اديك
نفسى اضمك بين ضلوعى
نفسى تطبب جروحى
نفسى تحيى تانى روحى
اللى فارقت منى روحى
قصدها تدور عليك
نفسى اشوف بريق فى عينك
لما اكون كامله امامك
والحياء مخلوع ثوبه
وكيانى بيناديك
ارحم الجسد اللى شب
من تراب الارض ليك
ارحم اللهفه بعطفك
وبحنان لمسة اديك
ارحم النهد اللى شب
واتنفضت عروقه ليك
واقراء مره الرسايل
اللى بارسلها اليك
مر حتى لو بعينك
على الحروف اللى ترضيك
حس بيا فى انتظارك
قلبى من داخله شاريك
والجسد ونار شوقه
ورغبته ملهوف عليك
حس بيا واقراء مره
لو رساله ابعتها ليك
