اللخبطة
اللخبطة بتحب الناس
والناس بتموت ف اللخبطة
والناس ليه ترتاح
راح يعملوا ايه بالراحة
تعب الناس براح
وموتهم ف عيشة مرتاحة
وبلدنا جنة جميلة
ما سكة ف ايدها تفاحة
وابليس فيها شاطر
وودلادها بيحبوا التفاح
دلهم على شجرة الملك
رسملهم الصحرا قناطر
ورمالهم شراع وفلك
واداهم تذكرة مجانى
وتذكرته لروسهم بتدك
واللى فوق شطار جدا
ما بيحبوش يا كلوا م الشجرة
ديوكهم ف الصبح تادن
يا كلوا احلى ثمرة
باقى شجر الجنة
زا رعين ف وسطهم قمرة
شا يفين الشجر ف النور
وحا فظينهم شجرة شجرة
ورغيف عيشهم بنور
ما فيهش سوسة ولا حجرة
و غموسهم ملفوف مسرور
مستورد من بلاد برة
ها زرع ف جنينتى شجر
ما فيهش صنف تفاح
مش هستنى تيجى المطرة
هالعب دور الفلاح
هسقيه بدم الجراح
يكبر وا ويصيروا ملاح
واحصده واطحنه لامى
تعملى رغيف مدور
يسد جوع ف دمى
ف بلدنا الجوع زيادة
تاكل من غير ما تسمى
وتحبس بقهوة سادة
اللى يستنى خيرها يتمد
يموت م الجوع فيها
واللى يحسب خيرها ويعد
يموت بيحسب ف خيرها
جعان محروم كالعادة
واللى مالوش خير ف بلده
مالوش خير ف حد
احسن حاجة يا صاحبى
تقول خيرها ف غيرها
