قالوا النصيب غلاب
و ادلق مشاعرى لمين
والسحنة زى الهباب
والخد جوز بلانين
منفوخ طول النهار
من بوزها الشبرين
تضحك تقول ياساتر
قرع اتفلق اتنين
وأنا من بختى شارب 
بالصحن والسلاطين
واتسرسب ع الدقون
خبر وبالكربون
ان الحظ واقع
وأنا فى الهم ناقع
وباهت ع الهدوم
_____________
وأتكركب الكلام
أزاى يكون الغرام
ولو بنظرة عين
شايفة كل الجمال
وحظ زى الطين
ترمى فيه التقاوى
تطرح كتير فساتين
لعود ليه العجب
منحوت م الخصرين
والشعر لون الدهب 
مرمى على الكتفين
متقولش ضى انبدر 
وماشى ع الرجلين
--------------------
و نصيبى صابه العطب 
ومكتوب على الجبين 
تلاقى فى نيتك 
بصمة كفوف وايدين
تروح تنسخ وتنفخ 
الشفة والخدين
وشعر عيرة تفرد
بالمكوه والكراتين
اخضر واحمر واصفر 
والوشم للحجبين
تشبة اشارة 
فى حارة
تخض ف المشين
تكسر معاها شمال
وهى تحدف يمين
اهى لابسة 
فى اى حادثة
ومايحرم العيزين
-------------
يمين تلاته ما تبقى
على ذمتك يا لعين
اقولها واطب ساكت
وفطام الصبر كاتت
صحيح الهدمه جايفة
وهى مش جسم هايفة
بس اقول الصراحه
من شخطه تطب خايفه
------------
مفيش غير من يومين
هف عليه الحنين
هزهتها وقلت قومى 
ما ينام غير الباردين
ورينى هز الوسط
ورينى غمز العين
يلا من غير كسوف
صدقه وهى وجبه
وتجبرى الملهوف
---------
وآدي البوء فاتح
كم شارع ع الرصيف
وتخلخل فى الكلام
استاذه فى التحريف
ازاى بتشخط فيا 
مش انا اهو ولية
مبخفش م التهويش
مش شايفنى شويش
وفيه شويش هيصحى
ع القفش والتقفيش
ملعون ابو التفعيص
واللى عامل حسيس
يقطع دابر كلامه
ويوقف الترفيس
----------
وانا م الغل قاعد
والقلب مات فطيس
غندوره اه اعذروها 
ميهمنيش تطنيش
ماهو التقل صنعة
وتقلى فى التبصيص
ابص لوحدة ماشية
تقع فى حيص وليص
وانا لايص فى البنات
وفاتح باب وشيش
تكونش بنت حلوة
تنط فى التقفيص
وانا محبوس وبنحت
همى بالازميل
واحمض فى الصور
وهى هات يا شخير
نجلا ابراهيم 
‫#‏شاعرة_متمردة‬
مسجلة