مجلة أدبية ثقافية تعنى بالأدب الراقي و الثقافة العالمية
Hiam Obied
الفنانة اسرار الجمال
في قصيدة? ساعلن عليك حبي ?
اخر لحن في حياة
الموسيقار حلمي بكر.
الفن الأصيل يظل امتداد للأجيال
والساحة لا ترنو الابهم .
عمالقة وان ذهبوا سيظل عصرهم ذهبا.
? كتبت الفنانة اسرارالجمال?
رحل عنا الموسيقار الكبير حلمي بكر في
1مارس 2024.
بعد معانته مع المرض
واخر قصيدة لحنها
?ساعلن عليك حبي للفنانة اسرار الجمال ?
ليس بالسهولة
كان أن يقتنع باي صوت يغني لكنه اقتنع
بصوت المطربة اسرار الجمال لانه كان معتمدها
في (اللحنة)الموحدة بالإذاعة والتلفزيون
وكان حلمها أن تغني
من ألحانه واقنعته
بالعودة للالحان والبرامج الهادفة
وقصيدة ?ساعلن حبي عليك?
كلمات الشاعر السعودي
-خالد العتيبي
توزيع
-ايهاب عبد السلام
وقد تأخر العمل كثيرا ليبصر النور
وفي آخر زيارة للفنانة اسرار له
في مستشفى
الشبراويشي وعدها عند تماثله للشفاء
ستتم مرحلة التسجيل في وجوده
وهذا كان السبب تأخير نزول القصيدة
لكن الفنانة اسرار الجمال وعدت أنها ستدخل
مرحلة التسجيل بالأيام المقبلة وسوف
تتطرحها على كل المنصات والقنوات
وتتمنا أن تغنيها في
حفل كبير في دار الأوبرا المصرية.
رحل الموسيقار حلمي بكر بالجسد لكن روحه
واعماله الخالدة ستبقي في تاريخ الفن
الذي قدم لايقل عن الف لحن من الحانه الخالده
ومن اشهر اعماله الذي قدمها للعمالقةكانت
- حبايب مصر
-وعلي اللي جرا -للمطربه عليا
-ومعندكش فكرة -لورده الجزائريه
-وفاكره وناسبه للفنانه الكبيرة نجاة
وكان له العديد من الأعمال
-محمد رشدي
-ميادة الحناوي
-علي الحجار
-واصالة
وجمهوره في
الوطن العربي سيظل يذكره والتاريخ الفني
لاينسي حلمي بكر الذي كان حريصا وغيورا
علي الفن المصري وكان صارما دائما مع
المدعيين باسم الفن والاصوات والاعمال الرديئه
بكر لحن كثير المسرحيات والفوازير
والاوبريتات الغنائية...
رحم الله الموسيقار ?حلمي بكر?
اخر عظماء وكبار الملحنينن.
نشرت فى 18 مارس 2024
بواسطة abomomn
· كل عام و أنتم بخير
نلتقي يوميا
مع حلقات السمسمية في رمضان
( الحلقة الثانية )
( 2 )
من فكر حمير و لا يوم روقنا
و مصايب كتير مـالية طريقنا
من فكر حمير و لا يوم روقنا
أفكـــار دي بتعــطـل ...... الله
في غباء خبيث أهطل .... الله
في عقول دا هيافة و فكر جحوش
واخدينها ظرافة دا حلق حوووش
ع الراس قــاعـدين
ولا خشى ولا ديـن
و املنا ف يوم م النوم يصحوش
عاملين عليـنا خُبــرا...…... الله
في عقـول نفـــق شٌـبرا…... الله
من فكر حـــمير و لا يــوم روقنا
نشرت فى 16 مارس 2024
بواسطة abomomn
· كل عام و أنتم بخير
نلتقي يوميا
مع حلقات السمسمية في رمضان
( 1 )
اليوم الأول ( الحلقة الأولى )
اهو جاي رمضان مــين يعزمنا
على لحمة ضان بعد ما صمنا
اهو جاي رمضان مين يعزمنا
أو حتى ديك ملطي .... الله
بوري . سمك بلطي ... الله
اهو جاي رمضان مين يعزمنا
اعزمنا الخير ما يسيب بيــتك
و كباب وفطــير براميل زيتك
م الفرخة يا بيه هات كتاكيتك
راح نمدح كـدا و يذيع صيتك
مين فيكم راح يبدأ .... الله
يوعد كدا و يصدق ....الله
اهو جاي رمضان مين يعزمنا
نشرت فى 16 مارس 2024
بواسطة abomomn
أجري بينا أياك تهـدي
خلي عزمك من حديد
كل عمري بروحي أهدي
بكرة مجدك جاي أكيد
على الصدر كت البلوزة
ورجليها م الشورت ظاهرة
ياك فاكرة على عنقي لوزة
اعترض و أعمل مظاهرة
****
اتلمي في اللبس حشمه
ديكك دا بلدي ما رومي
لحسن أقول كلمة حاسمة
بطلاقك ارمي في همومي
ع الجسم روعة البلوزة
و المشية آخر رشاقة
طب خفي حبة يا لوزة
دي النظرة فتنة و شاقة
****
عــبّرنا يا غـزال و هـدي
بدايتنا في الأصل بيضة
لو عمري يكفي لا أهدي
و أعيش معاك دنيا بيضة
ما تفوق لنفسك يا بلدي
و اتهد و اعرف مقامك
سوفاج رذالة دي بلا دي
بصباعي خافضك ما قامك
****
على ايه بتنفش ف ريشك
أبعد و روح من طــريفي
لو يـــوزنوك و بعــريشك
ما يساوو نقطة في ريقي
نشرت فى 19 ديسمبر 2019
بواسطة abomomn
محروس و جمانة
في رمضان
الحلقة الأولى ..
محروس طبعك صــــعيدي
مش حمل دلــــع السواحل
دي جمانة ف النص عيدي
في هواها للـــرأس واحل
***
يا جمانة و الرقة طبــــعك
لصعيدي ايش كان رماكي
دا الورد خاتمك و طـابعك
مجنونة و لا أيه عمــاكي
*************
محروس و جمانة
في رمضان
الحلقة الثانية
محروس
فرشت لك جدار قلبي
و قلت لك عليه دوسي
و أحلف لك أنا بربي
قسم مسلم ما هندوسي
جمانة
من الحلفان دي ما بكلشي
بربك رد لي فلوسي
بايع دهبي ما خليت شي
و تبلع حتى مال لوسي
**************
محروس و جمانة
في رمضان
الحلقة الثالثة
جمانة
تقب و تغطس دوغري تجيبلي
جــــمبري جامبو و كيلو بانيه
او مـــن جيبك طلــــع سيب لي
حــــــبة فكــــة أو ألــــف جنيه
محروس
جمبري دا في الحلم يا قلبي
نامي بطهارة هتحلمي بيه
ألف جنيه آه يا انا يا غلبي
أنزل اقول هات حسنة يا بيه
**************
محروس و جمانة
في رمضان
الحلقة الرابعة
ـــــــــــــــــــــ
محروس
رمضان و رياحه هلت
ناوليني طبق القطايف
دي البطن م المش ملت
بفرولة بلي الشفايف
و لا عدت للأكل شايف
جمانة
و قطايف ايه اللي عايزها
هو أنت أعمى ما شايف
دا النفس تعلن عجزها
و السعر في الحلق واقف
**************
محروس و جمانة
في رمضان
الحلقة الخامسة
جمانة
محروس جاي عيد جوازنا
ماتجيبلي شقة ف ميامي
و الفـــــقر امتى يجاوزنا
و نربي قطــــة سيـــامي
محروس
ما تفوقي مش لاقي موزنا
طب فزي قومي من أمامي
دا الفقر مكتوب بيه فزنا
وباين له واقع ف غرامي
***** ********
محروس و جمانة
في رمضان
الحلقة السادسة
*****
يا جمانة صعب الجواز
دا القلب على الغلب طاوي
لو شرع بالــــضرب جاز
لضربت راســك بمطاوي
جمانة
محروس ما تلزم حـــدودك
و بلاش دا طبع الصعيدي
لي أهل تخــــــلع جــدودك
لـــو صــبت بالــشر أيدي
*************
الحلقة السابعة
*****
جمانة
محروس في حبك فسحني
طلعـــني من ريحة الشــقة
و فـــي بحر حبك طــوحني
محتــــاجة مــن قلــبك دقــة
محروس
يا جمـــانة فوقي بلا استعباط
و البيت مافيــــهشي غير الدقة
هو أنت تجري و هات يا عياط
عنـــد الأكل ما تقــــــــولي لا
***************
محروس و جمانة في رمضان
الحلقة الثامنة
جمانة
البحر بهزاره ضحك لي
و بموجته بلت لي هدومي
بالنسمة و البسمة دا حاك لي
من المتعة و نسيت لهمومي
محروس
شايفاني طرطور و انا جارك
اتلمي فـــوقي بلا مياصة
عيزاني امسك في شجارك
هو انت طبعك رقــاصة
*****************
محروس و جمانة
في رمضان
الحلقة العاشرة
*****
جمانة
محروس ما تقول فين اهلك
و لا حد مـــــنهم عزمنـــــا
مـــا في مرة بالخير ندهلك
و لا كرمه بالجود هزمنا
محروس
اسم الله على ورث ابوكي
خـــــــيره دا سمن وراكي
من يوم ما عندي سابوكي
قلة و كــــسرها وراكـــي
********************
محروس و جمانة
في رمضان
الحلقة (( 11 ))
جمانة
محروس نفسي في بلطي
سنجاري او حتى مقلي
لو لحم ضاني و ملطي
القلب راق لك و راق لي
محروس
يا ولية زاد فيك نصحي
ما تكني و بلاش الاطة
م الوهم فوقي و اصحي
م الهــم بعنــا البـــلاطة
***************
محروس و جمانة
في رمضان
الحلقة (( 12 ))
محروس
يا جمانة أعصابي ماسك
و العقل طار منك هارب
من الهم دا صعقني ماسك
و قفلت مثل الكهارب
جمانة
محروس خليني قافلة
و المخ ملهي ف شغلي
لا العقل يعمل لي قفله
دا القلب م الغيظ بيغلي
**************
محروس و جمانة
في رمضان
(( 13 ))
جمانة
محروس و الرب حارسك
يا سبب سعادتي و هنايا
الحب و الأصل غارسك
ليه تسيبني خليك معايا
****
محروس
يا جمانة روحي في كفك
و النور دا من فيض نهرك
في الروعة و لا حد كافك
لو عمري ما يكفي مهرك
**************
محروس و جمانة
في رمضان
(( 14 ))
محروس
يا جمانة رمشك وصابني
يا قطة و القلب فار فر
في هواك طرفك غصبني
و القلب مقتول و فرفر
جمانة ...
محروس كلامك بيسكر
يا نجم قلبي الرومانسي
بلسم في همسك و سكر
يا هناي ف سهري و أنسي
************
محروس و جمانة
في رمضان
(( 15 ))
جمانة
محروس روق و هدّي
و ارمي حمولك على الله
و هو طول ما يدك في يدي
بكرة دا أجمل و أحلى
***
محروس
أنت معيني و سندي
حبك يداوي جروحي
بوجودك الجنة عندي
يا روحي من جوه روحي
**************
محروس و جمانة
في رمضان
(( 16 ))
جمانة
محروس ما تديني وردة
ياسمينة او حتى فــــلة
محتاجة همس النهاردة
دا القلب فيه ماس وقفلة
محروس
يا جمانة م الوهم فوقي
ف البيت مافي حتى كسرة
و سيبيني دا البؤس فوقي
يا مصيبة شرسة و كاسرة
****************
محروس و جمانة
في رمضان
(( 17 ))
جمانة
محروسي دا الجو ولع
ارحمني عايزة مكيف
دا البيض من الحر طلع
كتاكيت و نازلة تصيف
محروس
يا جمانة مش فاضي ادلع
عقلك من الصوم دا خرف
و انا جيبي فاضي لو اخلع
م الصيني بطهارته انضف
****************
محروس و جمانة
في رمضان
(( 18 ))
جمانة
محروس يا لذيذ يا شوكليت
انا قلـــــــبي عنــك ما تاب
في الفهم عقلي دا بوكليت
و انا رمشي لاب توب و تاب
***
محروس
يا جمانة و عنيكي ترسم
للقلب حــــني و رقـــــي
لو مرة يسقط لي سيستم
اديهــــــا دوغري لورقي
********************
محروس و جمانة
في رمضان
(( 19 ))
محروس
في جمانة بكـــتب و بقره
انا عقلي ف عيونها سارح
و ف رأسها دا مـــــخ بقرة
يضحكوا عليه في المسارح
***
جمانة
محروس ما فيش ميه ساقعة
تلاجتك دي باظ ما تورها
في هواك من الحب واقعة
و البقرة بتحب تورها
****************
محروس و جمانة
في رمضان
(( 20 ))
جمانة
محروس العيـــــد و قرب
ما تقب شخــشخ لي جيبك
و طاوعني و اسال مجرب
لو رحت طـــــوكر لاجيبك
**
محروس
يا جمانة دا الجسم جرب
و الناس بعينهم صــابونا
لـو مــرة ع العقـــل جرب
ما يلاقوا فيه غير صابونة
نشرت فى 28 مايو 2019
بواسطة abomomn
شمس الجمال
******
يا للي مداريه الشمـــس بأيدك
خـــــايفة الشمس لتحسد وشك
ســــــحر جمــالك ربي يزيدك
بس الخوف من سلطان رمشك
نـبض الـقــــــلب هواه بيريدك
امـتى أكون مسئول عن عشك
و يكون دمي في نبض وريدك
قلبي في حبك عمره ما غشــك
شفتك عمري وضعته رصيدك
سبحانه ربي بعطــوره رشك
كيوبيد أطلــــق سهمه يصيدك
بس الســــهم في قلبي ما هشك
نشرت فى 18 مارس 2019
بواسطة abomomn
دنيا العبر
*******
لو شفت عابد عجل
ليه تحش ترمي له؟
و اللي قليل العقل
خد بأيده و ادعي له
ربك بأيده الفضل
يهديه و يدي له
دنيا و فيها العبر
فيها البشر ألوان
اللي بخياله عبر
و اللي ف حضيض
مــــــتهـــــــــــان
و اللي في همه صبر
و بعزة يوم و لا هان
سيبك من ابن فلان
و اللي بـــارم ديله
*******
لو شفت عابد عجل
ليه تحش ترمي له؟
و اللي قليل العقل
خد بأيده و ادعي له
ربك بأيده الفضل
يهديه و يدي له
دنيا و فيها العبر
فيها البشر ألوان
اللي بخياله عبر
و اللي ف حضيض
مــــــتهـــــــــــان
و اللي في همه صبر
و بعزة يوم و لا هان
سيبك من ابن فلان
و اللي بـــارم ديله
نشرت فى 14 مارس 2019
بواسطة abomomn
سجال ( حب الوطن )
مع المبدع الشاعر أيمن خليل
إمتى وطنى ينسى همّه
تنتهي أحـــزان تــغــمّه
تفضــل الراية بســـمانا
و العلم بالروح نضـــمّه
الحكــــاية و اللــي فيها
ترجع الأمة لمــاضيها
مين قولو لي هيعافيهـا
أو حيطان الدار تهمّــه
فالأمل واقف يشــــاور
و النهار ويّاه مجــــاور
و الظلام عاوز يحاور
بس مين يقدر يلـــــمّه
******
أيمن خليل
ـــــــــــــــــــــــ
لمـــا تبــقى النية صافية
و الحيـــــــاة بالحب دافية
والحقوق دستور ما عافية
يلقى حــضن وقلب ضمّه
لما إيدي تكـــون في إيدك
لو تجوع دمي في وريدك
أدعو ربي الخــير يزيدك
قلبـــي قلبك يشـــكي همّه
لما تنوي الخــــير لجارك
تــكفي كل الناس شجارك
قلــــب واحـد ليك أجارك
و الــــعدو هيموت بسمّه
لمــــا نلقى الشــعب واحد
في الـــوطن والعدل قـائد
و لحــــقوقنا ما حد جاحد
مصـــــر تبقى بحق أمّــه
نشرت فى 14 مارس 2019
بواسطة abomomn
همس القلوب
*****
…….
لو هتاخد كل عمري
تاخده بس بحق نظرة
فيك رحت أشد شعري
صرت أقرع اه يا حسرة
*****
أنت روحي و حتة مني
أنت أمسي الأن و بكرة
بس هجرك ليه ظالمني
و ف هواك ما كنت مكره
****
أوعي مــــــــرة تغيبي عني
شمس عمري تغيب ما تطلع
بالوصــــال في هــواك أعني
نظـــــرة منك عــــقلي يخلع
*****
ع البعاد دا ما عدت اقدر
حتى قلبي النبض باسمك
في الجمـال شربات مكرر
عقلي تاه ف خياله رسمك
****
حني رقي و هيا عودي
مستحيل هتلاقي غيري
نور وجودك من وجودي
أنت عايمة ف بحر خيري
نشرت فى 14 مارس 2019
بواسطة abomomn
الإسكندرية
********
في هواها و النسمة بحري
و عيونها دي اســــكندراني
انا تهت و البحـــــر بـحري
وغرقت و ايش كان دراني
*******
في هــواها مديت حـــبالي
و غسلت همي ف بحورها
هيمان ما بالــــفرح بالي
ما انا قلبي مفتون بحورها
********
في هواها حطيت كــراسي
و العقل توهان و ســارح
ع الشــط كالفـــلك راسي
من ضحكه هز المسـارح
********
في هواها و نشرت روحي
من سحره غرقى ف خجلها
بالنظرة هـــديت صرووحي
و لا حد في الصرخة جالها
********
في هواها و الشمس طالعة
تنشر على الكون ذهبها
و البجر في السعد طالعه
ناظر إيابها و ذهابها
********
في هواها نعست جفوني
من المتعة و العقل هايم
من حيرتي أهلي جفوني
من كيد عوازلي البهـايم
********
في هواها و رميت شباكي
ما اصطدت غيرك يا بوري
و البلطي بالـــوش باكي
مستني عزفـي ف عبوري
****
في هواها و الشط رملة
و الموج بيحضن حصاها
و انا قلبي بالحب رام له
حافظ حروفها و حصاها
********
نشرت فى 14 مارس 2019
بواسطة abomomn
أبو مؤمن جوهر
شاعر و ناقد و عضو في العديد من المنتديات و المجموعات الأدبية »
أقسام الموقع
ابحث
تسجيل الدخول
عدد زيارات الموقع
1,526