مجلة أدبية ثقافية تعنى بالأدب الراقي و الثقافة العالمية 

 

 

مربعين و بس ( 5 )
*****
يا نخلة ما التمر طرحك
ليه حظي سلاع جريده
انا قلبي جامعك ما طراحك
و الروح لحضنك طريدة
******
ليه الورد بخلان بعطرة
و تملي بالشوك بيجرح
فيه ناس تحتار في فطرة
من الهم مش قادرة تفرح

 

دنيا العبر
*******
لو شفت عابد عجل
ليه تحش ترمي له؟
و اللي قليل العقل
خد بأيده و ادعي له
ربك بأيده الفضل
يهديه و يدي له
دنيا و فيها العبر
فيها البشر ألوان
اللي بخياله عبر
و اللي ف حضيض
مــــــتهـــــــــــان
و اللي في همه صبر
و بعزة يوم و لا هان
سيبك من ابن فلان
و اللي بـــارم ديله

 

دنيا العبر
*******
لو شفت عابد عجل
ليه تحش ترمي له؟
و اللي قليل العقل
خد بأيده و ادعي له
ربك بأيده الفضل
يهديه و يدي له
دنيا و فيها العبر
فيها البشر ألوان
اللي بخياله عبر
و اللي ف حضيض
مــــــتهـــــــــــان
و اللي في همه صبر
و بعزة يوم و لا هان
سيبك من ابن فلان
و اللي بـــارم ديله

 

لحظة رومانسية
*****
وصلني المعنى في عنيك
و اه من روعة الإحساس
سلامك . ملمس أيديك
بتدوش عقلي جوا الراس
و أقولها كمان و حواليك
يا أجمل وردة بين الناس
لو اوهب عمري ما أوفيك
فأنت لقلبي جوهر ماااس
في ايدك قلبي . يكفيك ؟
يا روحي ابني و قلبي أساس

 

سجال ( حب الوطن )
مع المبدع الشاعر أيمن خليل
إمتى وطنى ينسى همّه
تنتهي أحـــزان تــغــمّه
تفضــل الراية بســـمانا
و العلم بالروح نضـــمّه
الحكــــاية و اللــي فيها
ترجع الأمة لمــاضيها
مين قولو لي هيعافيهـا
أو حيطان الدار تهمّــه
فالأمل واقف يشــــاور
و النهار ويّاه مجــــاور
و الظلام عاوز يحاور
بس مين يقدر يلـــــمّه
******
أيمن خليل
ـــــــــــــــــــــــ

لمـــا تبــقى النية صافية
و الحيـــــــاة بالحب دافية
والحقوق دستور ما عافية
يلقى حــضن وقلب ضمّه
لما إيدي تكـــون في إيدك
لو تجوع دمي في وريدك
أدعو ربي الخــير يزيدك
قلبـــي قلبك يشـــكي همّه
لما تنوي الخــــير لجارك
تــكفي كل الناس شجارك
قلــــب واحـد ليك أجارك
و الــــعدو هيموت بسمّه
لمــــا نلقى الشــعب واحد
في الـــوطن والعدل قـائد
و لحــــقوقنا ما حد جاحد
مصـــــر تبقى بحق أمّــه
*****
أبو مؤمن جوهر

 يا محلى الضحكة لو تطلع

بتسعد قلب

أشوف الرقصة و الأروع

حياتهم حب

عيون بالحلم دوم تسطع

بتنسى الغلب

و رغم الهمّ و الضيقة

و ذل الفقر

يحلّق . ضحكته بريئة

بتهزم قهر

خيال السعد دا حقيقة

و هي دي مصر

و علّي الراس و لا تخضع

 

و قووول يا رب

😲😢🤔👇👇

افرد شراع الرضا

بالحمد و التكبيير

ربك بأيده القضاء

لو حتى تحتك بير

الحلم تاه في الفضاء

ما لاقي ضوء للشمس

و جيوب و منتفضة

من العار تخاف م اللمس

و العمر ع الشوك مضى

داس ع الهموم و لا حس

لو كان مرارنا في أمس

 

املك في رب كبير

 

لو شفت عابد عجل

ليه تحش ترمي له؟

و اللي قليل العقل

خد بأيده و ادعي له

ربك بأيده الفضل

يهديه و يدي له

دنيا و فيها العبر

فيها البشر ألوان

اللي بخياله عبر

و اللي ف حضيض متهان

و اللي في همه صبر

و بعزة يوم و لا هان

فيها فلان و فلان

 

و اللي بارم ديله

عتاب
****
ما عاش و لا كان
في يوم قلبي
دا لو يوم كان
سبب تعبك
ساعات أحيان
و من غلبي
زعلت بجد
من قلبك
و ايوه ساعات
بكون قاسي
لكن مش جد
أكيد دا هزار
بصحصح قلبك 
الناسي
و أشوف الغيرة
فيك يا حمار
دا حبك
جوه إحساسي
ياخدني معاه
في أحلى دوار
تهوني عليه
يا عمري
دا ليلي يكون
بغير نهار
فأنت الشمس
يا قمري
و في غيابك
حياتي مرار
جايز مرة 
أكون بايخ
و راجع حتى
من مشوار
يكون عقلي
ف هموم دايخ
و هم الشغل
برضة كتار
خلاص أسف
يا صحبة ورد
سااااامحني 
أقبل الأعذار

و لا شفشي يوم راح بال
كترت بلاوي الزمن 
غطت جبال و بحــــور
من الغم صار مسحور
على نفسه دوم راح بال

ع الغلابة جـــار و بـرطع
****
أربــــعة ف لــــندن يموتوا
كــــله بيحــطم سكــــــوتوا
بالإدانــة يهــــز صـــوتـــه
و الخبر ف الكون بيصــدع
****
و لمــا يبقى الآف ف موصل
و الدمـار ف بلادنــا يوصــل
ما في صوت يصدع و يفصل
و البـــشر و لا حــد يسمــع
****
جوه سوريا الغرب دمر
بالآلاف و دا يمكن اكتر
فوق يا بوتين ربي أكبر
بكرة في النيران هتركع
****
أمـتى هنــــفوق من ثـــباتنا
الوحــــوش تتمــنى موتنــا
فين تاريخـــنا و فينها ذاتنا
امتى نصــحا امــــتى نرجع
****
فى الحـــياة للكل حــقـــه
أبيض أسود غربه شرقه
و الأمان للــناس برفقــه
القانون و لا شئ بيشفع
****
أيـــوه كــــل الـــدم واحــــد 
و اللي يقتل قـلــبه جـــاحـد
مغتصـــب مشرك و لاحـــد
و القصاص ف الحق يردع 
****
يا بشــر للــخـــير تحابـــوا
كــل واحد يرضي صاحبوا
للنعيم بالحـضن ســاحـــبوا 
و بسعادة الكـــون بيجــمعأعجبنيأعجبنيأحببتههاهاهاواااوأحزننيأغضبنيتعليق

***
الأمـــل نــظــرة عـــــنيكي
و الشفاء لمسة ايديـــــكي
أنت روحي و روحي فيكي
تـغــــرسـي فينـا الــريــادة
***
ياللــي ربي بيكي وصــــى
جوه قلبي مــعزة خـــاصة
أنــت نور و النية خالصة
أنــت مــفــتاح للســـعادة
***
لو بذلت الروح ما تكــفي
نظرتك من الـهــم تشــفي
مــهما اقــدم مــش هوفي
فضل جودك ليه السيادة
***
مهما أوصف مش هعبر
أنـــت فــضلك لا يقـــدر
على الحـنان الله أكـــبر
بئر حــــــبك فيه زيادة
***
صوت دعاكٍ الجنة تفتح
و برضاك الورد فتّــــح
كله مــثل. دنيا مـــسرح
إلا أنــــت الطــبع عــادة
***
الــبشر بالخـير يفـــاخر
و أنت كرمك بحر ذاخر
حتى لمـــا تكـــوني أخر
للحياة قلـبـــــــك قيادة
****
الكفاح قـــــصة جهــــادك
و النجاح غرس ف ولادك
و الإيثار قــــوتك و زادك
و العطـــاء في أيدك إرادة
***
الهناء و الجنة طـــــاعتك
و الكرم أصل في طـبيعتك
تغــــمرينا ببــحر ســعتك
دعوتك أعظـــم شــــهادة
***
ربــي يـــا مـــقـدر تعـــبها
بالسماح و الجود حاسبها
اجعل الجنـــات نصــــيبها
و الخـــلود قصر الشهادة
***
ربي أرحـــم قلــــب أمــي
ربي أغفــر ذنــب أمــــي
ربي أجـــــعل روح أمــي
في الجنان مع خير ساده
***
اللهم أرحم أمهاتنا و أسكنهن الفردوسأعجبنيأعجبنيأحببتههاهاهاواااوأحزننيأغضبنيتعليق

اتسمم من البسكوت
**********
و بجد مش معقول
تلميذنا بقي فافي
يغسل ايديه بديتول
و بلوزته شفافيا

حكاوي المصطبة 
********
و ع المصطبة
و تحت البوص
بنتغدي و طبق الخوص
عليه الجبنة و الفجلة
بنقعد صحبة نتسلى
ما بين الشمس و الظلة
بنلضم حرف و يا الحرف
نتسامر
و لما يمر 
قدمنا و يرمي سلام
بنحلف انه يجالسنا
ما أصل الذة في اللمة
نجيب له قوام 
و يقعد جارنا يتغدي
نقول هاتي قوام تاني
و لا نحسب تمن لرغيف
و لا نجري علي الدكان
ما كل الخير 
هنا ببلاش
ما نحسبهاش
و لا بيغلاش
و على ضيفنا نبيع روحنا
ما ننكرهاش
و نشرب تاني و نكرع
شوية مية من البرمة
و نتمدد و فوق لحرام
وراه مسند
و نقعد تاني
نتسامر و نتساهر
و نسمع م الكبير حكايات
عن الجني 
و تعلب فات
عن العطار
و سبع بنات
عن عرابي
و عن ادهم و شرقاوي
و كيف بدران صبح خاين
يعلمنا بان الكون 
بيلفظ سحنة الخاين
و كل جبان
و ان الحق ليه الغلبان
و ان اللقمة
لو تدخل في فم جعان
يكون دا ثوبها ف الجنة
و ان الكون دا للإنسان
و للإنسان
و إن الأرض مثل العرض
لا نفرط في يوم فيها
و عن عواد
و من باع دينه 
أو وطنه أكيد قواد
يبيع شرفه 
و ينشر ع الحيطان قرفه
و لا الأيام هتمحيها
و تقعد قصته عبرة
نعلمها لأولادنا
و بنقول تاني و نكرر
تراب الأرض يسمعنا
و يشهد 
لو في يوم بعنا
في أوسخ صفحة يكتبنا
تاريخنا أمين
لا يفرط و لا يزيف 
و مهما يحاول الطغيان
يجيب ف أدلة أو برهان
فصوت الحق
أكيد واضح
و فجرك 
للظلام فاضح
و بكرة السيل 
يزيل الليل
و ينبت تاني
شجر الحب
و يحيا الشعب
يحيا الشعب