التوك شو يصنع نجوم الجيل القادم

كريمه عبدالله نجمه التوك شو....  نفسى اقف امام الزعيم عادل امام لكنى بخاف من القبلات .

كان نفسى فى دور صابرين امام الفنان الكبير يحى الفخرانى

التوك شو صنعنى بس انا ممثله تستحق المشاهده فى دور جيد

فيفى عبده تتطاردنى من زمان حتى تقبلنا فى التوك شو وجها لوجه

مين هى كريمه عبدالله

انا ممثله مجنونه بالتمثيل من وانا طفله لحد ما وصلت سن 16 سنه هربت من المدرسه علشان احضر كاستنج فيلم للفنانه فيفى عبده ولما اهلى عرفو انى عملت كده جوزنى خلال اسبوع خوفا عليه من الفن ولكنى انفصلت عن زوجى وتزوجت باخر ولكنى من اول يوم قولتله انا نفسى امثل او اموت فادنى فرصه وقالى لو منجحتيش مالكيش عندى فرصه تانيه وفعلا جاتنى فرصه التوك شو فمسكت بيها .

مين اللى شافك فى شخصيه فيفى عبده فى التوك شو

انا من عشاق فيفى عبده كممثله متكامله وفى شبه بسيط بنا وكمان صوتى قريب ليها شويه وكانو فى الوقت ده بيدورو على حد يعمل شخصيه فيفى عبده فاول ماشفنى قالى انتى فيفى عبده فخفت لانى افتكرت المره اللى هربت فيها من المدرسه واكاننا بنطارد بعض انا وهى ولكنى تشجعت وربنا وفقنى جدا انى ادى الشخصيه كده.

ومادا بعد التوك شو

التوك شو ده مالوش اخر لانى بعشقه لانه فن جميل وهو اللى عمل كريمه عبدالله انما فى خطوات بعده منها انى خلصت فيلمين واحد اسمه سفارى بطوله علاء مرسى وسليمان عيد وفيلم هاللو كايرو  بطوله احمد بدير - علاء مرسى -حسن حسنى - والتوك شو 6 وبرنامج افلامكو.

بتحلمى بايه فى مشوارك

انابحلم بحاجات كتيره جدا منها انى اقف امام الفنان الكبير عادل امام بس بدون قبلات لانى بخافه منها موت علشان اهلى ونفسى بردو انى اقف امام النجم الكبير نور الشريف وكان نفسى فى دور ريم البارودى فى الرحايا ونفسى اقف النجم الكبير يحى الفخرانى وعجبنى موت دور الفنانه صابرين فى شيخ العرب همام وفضلت اتخيل نفسى انا مع يحى الفخرانى وعجبتنى الكميا اللى بنهم اوى وبحلم بفيلم كبير مع النجم احمد السقا .

تم نشر هذه المقاله بتاريخ 29/10/2010 بجريده الاحرار

ابو خضر الهوارى