( مضايا تبكي الهارف )
لمتى الصبر والصبر حيلة العاجزين
ياهوه يأمتي الصبر مل من صبركم
هذا ماهو صبر هذا ذل وبه مذلولين
السنة ذبحت وتبصرهم اليوم أعيونكم
أذبحونا بمضايا والروافض متزعمين
يحوشونهم حوش الغنم وين أعقولكم
صكوا الشبوك وبها اليوم مشبوكين
في البرد وفي الجوع والذل بارقابكم
مضايا ماتت وانتم والله بالذل ميتين
هذولا نحتسبهم عندالله والموت جاكم
من يفككم وش عذركم عند رب العالمين
صاحت بالصوت وصوتها والله عداكم
والله مانتم معذورين ليه عنهم مشغولين
أذانيكم أنصمت ولى العمى صابكم
ولى بكم قل العدد ومن المال مقلولين
وين الأسلحة والذخيرة وين بارودكم
والله عددكم ياعرب اليوم يتعب العدادين
ياكثر الزبد اليوم يوم يحسب حسابكم
مانحسبكم اليوم إلا حساب الثنتين
ثنتين دون ثنتين وهذه اليوم أعدادكم
أعذرينا يامضايا العرب عنك ملتهين
ياهوه محدن سمعكم ولا حدن شافكم
التلفاز خربان وللأذاعة اليوم مسكرين
هذا قدركم ماتوا العرب وهذه أقداركم
تناسوكم ومعهم بعضً منكم هاربين
باعمارهم نجو وخلوكم تحت أركامكم
ما تجنيت يوم ذكرت بعض السوريين
همهم الهروب ولاكنهم بيومً من شبابكم
صابهم التخاذل وبالتخادل مسبوقين
تناسو ماصابهم وكن المصاب لجاركم
شبابً مثل الورد عاموا البحور لاجين
ياحيفي عليكم ليتني بسنكم وأعماركم
لكن ياحيف العمر مني جاوز الأربعين
والرجل عجزت وفعلها يعرفونه أخوانكم
بالقصير يوم بفعلهم باعوها الرديين
ثنينا من دونها وثنينا من دون أرحامكم
واليوم غدت يوم غدو العيال الشياهين
اللي بفعلهم بالروس من قبل بافغانكم
حيي وجيهم اللي دايم بليلهم مصلين
خسرتهم بالموت ياكبرمصابي ومصابكم
نسيتهم وصرت أدافع عن فعل السافلين
حبي للعرب نساني انهم سبب أحزانكم
دافعت عن العرب والعرب عني صادين
صديتوا للغرب والغرب بالرسن قادكم
قادوكم لذلكم وماقادوا أهلنا السابقين
وينك يالهارف وربعك إفتحوا لنا أقبوركم
الشام ضيعت وضيعوا المستظعفين
أطلعوا من القبور وشوفوا اليوم عيالكم
ضيعو الأمانة وضاعة هيبة المسلمين
صارو بالذل والذل يقول وش جابكم
ليتك يأخو جوزاء اليوم حي مع الحيين
كان مسحة دمعة الشام وبقت شامكم
ومسحة دمعة الأطفال وبقوا محظونين
ليت الزمان بي يعود وأكون من رجالكم
هذا ماهو زماني هذا زمان الخايبين
انا من زمان الدويش ماني من زمانكم
لكني أنبليت بكم واليوم انا من المبليين
أشهدني بالمرض والمرض من أفعالكم
كل مابغيت أشفى يزود المرض مرضين
والله اني اتمنى الموت ولااتمنى أفعولكم
مجاوري للقبور خيرً من حياة الخايبين
ليتني بالقبر ولا ني اليوم حيً بينكم
ولاشفت مضايا واهلها اليوم مخذولين
شوفتهم أدمت قلبي ولا تدمي قلوبكم
يارب تبري ذمتي وذمة كل المجاهدين
اللي جاهدوا بحق الله وماتوا دونكم
وترحم حال من قالهن وكل السامعين
جابهن فهد وقدام الله بهن يحاجكم
بقلم فهد القضاع المطيري
