تحت المطرة
احمد صبري
-
اجمل ايام حياتنا
في عز الشتا كنا
اول مرة اتقابلنا
بقلوبنا وبعيونا
-
نزلت مطرة علينا
تطفي اشواق سنين
حنين بيحضن فينا
واحنا سوا ماشيين
إحساس دفا وامان
حلو جميل اكيد
نشوة ود وحنان
طفل وفرحان بالعيد
احساس حسسنا بيه
مش عارفين دا ايه
معقولة نكون حبينا
ومش معقولة ليه
كل اللي عايزينه
اليوم دا ماينتهيش
كل اللي حاسينه
احلى منه مفيش
تحت المطرة ابتدا
الحب بينا يطير
يلمس ورد السما
يملى هوانا عبير
ومنانا ما نتفرق
والمطرة متسيبناش
تنبل هدومنا نغرق
مفيش حب ببلاش