ليه يادنيا بتهلِّى على غيرى
وليه علينا بتغيبى
مليش ولاحضن يؤيينى
غيرك يا حضن اخويا وحبيبى
حنان قلبك كفايه يدوم
وانا مهموم
انا واصحى على السلم
وأنا عريان مليش هدمه
واصبر نفسى ياربى
وأقول يعنى الحكايه هدوم
حنان قلبى كفايه عليك
ودى نعمه ياريتها تدوم
مفيش غيرى انا حواليك
ولا ب إيدى ولاش ب إيديك
دى لقمه عيش كفايه عليك
وبرش وهدمه مقطوعه
وحضنى ياريت
يغنيك عن الجوعه
ودقة قلب من قلب دقاته موجوعه
نصيب الناس نصيب عالى
وانا القسمه اللى باقيا لى
بااشوفها فيك
ود حالك ود حالى
لو الدنيا معايا ف يوم وعاطيالى
كنت أقسم معاك عمرى وعينى اديك
لكن غلبان ولا حدش يربينى ولايربيك
وفى الآخر يلومونى
ولد ضايع
ولد صايع ومتسول
طب م كان من الأول
يشوفوا الحزن ف عنيا ومالى عنيك
-------------------------------------
وعـــــــــــــجبى