أعمل إيه انا ف حظى
د حظى هباب
أنام واصحى على فرشى
د أكل العيش ولا د هباب
أنا من يوم م ولدونى ود ه حالى
الفُرْشه دى عيشتى
والجزمه باقيالى
ولا عمريش أنا هااكبر
ولا اتجوز
ولاعمرى هااشوف مره
الدنيا وعيالى
أنا اتربيت على ذلى
ولا حدش ف يوم قاللى
تعالى هنا وهات ايدك
ولا حدش ف يوم قاللى
أنا وياك ولا انا أبوك ولاسيدك
طلعت لقيت الدنيا بتكشر
وحظى م العذاب أكتر
وكل الناس بتستهر
لما تشوف على وشى تراب وغبار
وانا عايش كإنى حمار
أشيل حملى التقيل واكتر