جارى التحميل
استخدم زر ESC أو رجوع للعودة
![](http://media.kenanaonline.com/photos/1238379/1238379920/large_1238379920.jpg?1399840247)
خـــــواطر صعيـــــــــدى:
--------------------------------
بكره تتعــــــــــــدل ياواد عمى
وتتبدل حاجـــــــات وحاجــــات
ياما دايماً شــــــــــــايل همى
بلاش نبكـــــى على اللى فات
------------------------
حياتكـــــــــــــم كانت حلوه والله
وكنتوا ساعة العزر تقسموا اللقمة
ومكــــــــنش فيكم واحد ساهى
ولا حــــــــد ف يوم ينكر النعمه
-----------------------
واحنا اليوم حـــــــــياتنا بخير
وتلفزيون وتلفون وتلاجه كله د حدانا
والنعمه مــــــــــــوفره وكتير
لكن تقولشى النعمه كارهانا
ولا حدش فى إيـــــــــده الخير
---------------------
كنتوا زمان تشربوا م البحر
وكتيرها نقــاعه ونقرة بـيــــر
ولا كان عندكم حنفيه رخاخه
ولا كـــــنتوا تعرفوا المواسير
------------------
وكمان عشتوا فى الضلمه
وكتيرها لمـــــــــضه عويل
واحــــــــنا عشنا ف النعمه
وماحمدنشى رب جليـــــل
------------------------
ياقناوى فى بيتى لنضه ع تنور
وفى الشارع عمود وطــــــــويل
لكن وقت م تضلم حاس ولاتدور
الدنيا خلاص ليل ورا ليــــــــــل
------------------------
وكنتوا ياخويا عتشوفواكيف المحاوير
زى سقاو فى الضلمه و عز الليل
واحنا عنطبش برغم النــــــــــور
و عــــنينا تعبانه ومافـيـناش حيل
----------------------
وكنت زمان ياقناوى كل خلقاتك
ســـــروال بدكه وبس قمـــيص
وطول عمرك وكل حــــــــــياتك
تنام لى ع الدكه وثلاجتك البلاليص
----------------------
وصحتك لسه ياقناوى عال العال
وعتعزق كيف المحرات ف عز الحر
وعتدندن طول الليل وبالمــــــوال
واحنا ياقناوى مفيش فينا غير القر
----------------------
لـــــــــكن هتتعدل ياواد عــــــمى
وربك هـــــــــــيغير الحال غير الحال
الله يرحــــــــــم زمــــــــــــان امى
كانت تقول ربك هيسترها ياعبدالعال
-------------------------------------
مهندس/عبدالراضى حامد
شطوره-سوهاج
ساحة النقاش